التجمع السابع والعشرون لمواليد مارس&آبريل٢٠٢٠💙💖.

يعني الحين حيرتيني اكثر بين المسلمه والمسيحيه وبعدين بالكبر مااقصد كبيره مره بس ماتصير صغيره وهبله وشاابه ( مطيوره يعني ) هههههههههههه ابيها بحيث تكون راكدة 🤦🏻‍♀️🤣

انا مجربته ٣كانت اعمارهم ٤شهور وواحد شهرين بس ابو شهرين كنت بين اهل زوجي واهلي يمسكونه واطبخ معهم

لا ماهو شرط يلعب كل وحده تعرف ظروفها وظروف بيتها وظروف زوجها يعني في يجيبها ويدفع راتبها هو وفي مقل ماقالت تويكسايه وفي من تجيبها هي وتدفع راتبها على حسب للظروف الماديه لكل الزوجين يهني بالاخير كل وحده تعرف ظروف حياتها وتدارسها وتضبطها

لاني توني متوظفه فا مابي ارخي يدي ويتعود

ااي والله الحمد لله. ، توي قبل شوي مع السوالف هنا تحمست وفتحته بالموضوع وجلس انه يحاول يسوي لها مكان بالشقه الجديده وكذا ، قلت لاحقين هناك وارتب معه بالسوالف بعدين قلت كم يبي لها وتجي يعني يادوب تجيني قبل اولد خلاص مر انت مكتب الملحم واستفسر معهم قال يعني هذا احسن مكتب وش دراك يمكن ليه غيره قلت لا لا سالت وتفحصت عليه مدح واهلي مايجيبون الا منه وسالني وش الجنسيه قلت فلبينيه قال رواتبها غاليه قلت وش تبي اجيب قال جيبي من هذول الافريقيات قلت لا والله تبيني اخلي ولدي عند هذول لا لا ماابي لو اني مش موظفه ممكن بس موظفه لاا مااقدر اروح واخليه عندها ، قال يعني خلاص انتي معزمه ويطالعني بنص عين قلت احلف تكفى يعني ماتشوف وضعي حرام عليك و و و قال بس بس بشوف لك لاتشغلين الاسطوانه وهو يضحك علي 🤦🏻‍♀️😂😂😂😂😂