شاركي في النقاش

سجلي الدخول لإضافة تعليق.

التعليقات

1,010
  1. Amani_m
    صباح الخيرر جميعاً .. الحمدلله وانتهت رحلة وهن ع وهن ورزقني الله بصغيري الجميل سميته عسّاف 😍 .. في نفس هالوقت امس مطلعيني من العمليه .. ولدت امس الفجر الحمممدلله عانيت شووي بس الحمدلله ع كل حال كنت طبيعي وجربت الطلق الصناعي واخذت ابرة ا…
    الحمدالله عع السلامة و الخلاص
    الف مبروك المولود جعله الله من مواليد السعادة ❤️
  2. وين ألقاك؟
    صباح النور والسرور لاحلى حوامل ونفاسيات🥳😚 كيفكم بنات مع النفاس والحلبه والرشاد😬 والحوامل الله يسهل عليكم يارب هااانت مابقى الا القليل وتصير هالايام ذكريات نون وسماح متحمسه لاكشنكم عشانكم بكريات😀❤️الله يهون عليكم وتصير احلى ذكرى لاحلى ب…
    ي روحي الله يسهل لنا بس والله اننا مو عارفين اللي بيصير فهذا احس اللي مريحني
    بس اليوم خلاص احس اني منتهيه و م فيه طاقة و بالقوة اقوم سوا من سرير ولا من جلسة الارض مره منهلكه حدي ودي اولد و ارتاح 😢
  3. @drym_oyb_1

    بكتب لكم اكشن ولادتي
    يوم الاثنين جلست الصباح بروح موعد التحويل للمستشفى الولاده
    ورحت الطوارئ وانا من الليل عندي طلوق بس متعوده عليها لانه من اول التاسع كذا دخلت عليهم اللي في الاستقبال قلت لها عندي موعد تحويل قالوا لي روحي الطوارئ قالت هذي تحويل للعيادات طلعي روحي يوي موعد لك
    انا اندق بدني روحه بدون فايده قلت لها عندي آلاآم وقالت في اي شهر قلت لها التاسع
    قالت خلاص دخلي على الآسره رحت المهم بعد ماجات الدكتوره قالت عندك شنو قلت عندي طلق من مده بس الحين اقوى وسوت سونار قالت عندك علم انه البيبي راسه فوق وانا 😳
    قلت لها شنو فوق تو في الثامن كان راسها تحت قالت فوق قلت لها كشفي شوفي كم فاتح الرحم قالت روحي يوي تخطيط واذا عندك طلق بكشف قلت لها شلون الحين انا في التاسع والبيبي مقعدي يعني الولاده قيصري قالت هذا تتفقين مع الدكتور اللي بيولدك طبيعي مقعدي ولا قيصري المهم رحت سويت وطلق منتظم يوصل ل80ومرات 100
    وانا احس بالالم بس متصبره خلص منصدمه تقولي عندك الم !!قلت لها اي
    ورحت قالت الدكتوره عندك طلق انتي عندك الم قلت اي قالت انتظري الاخصائيه المهم جات الاخصائيه وكشفت قالت الرحم فاتح 3سم
    انتي خلاص تنويم للنه عندك طلق والرحم فاتح والطفل مقعدي وانا اللي انخبص بنتي بره في السياره مع ابوي قلت له خلاص امشو حتى ابوي انصدم جايبك مافيك شيء شلون بتولدين المهم صعدوني ويزيد الالم سالوني متى ماكله قلت لهم الليل الساعه 11قالو ممتاز لاتاكلين شيء بتشوفك الاستشاريه رحت سوت لي سونار قالت انت نزل عليك مويه قلت لا
    قالت مويه الطفل ناقصه قلت لها عندي افرازات مائيه قالت لا انا اقصد مويه كثيره زي الحنفيه قلت لها لا قالت المويه ناقصه كثير قلت لها انزين شلون الولاده مايصير طبيعي قالت ياماما اي طبيعي انتي الطفل مقعدي والمويه ناقصه كثير والزحم قاست فاتح 5وعندي طلق عالي الحين قيصري مستعجل
    رحت بصلي العصر وانا ميته من الالم يالله صليت بس لانه جى وقتها جات لي الساعه 4وربع قالت بركب لك قسطره
    قلت لها لا مابي الا بعد البنج المهم انه بصموني على القيصري وانا نزلت دموعي قعدت اقرا سورة البقره ومريم المهم الساعه 5 قالت لي لبسي المستشفى ولا تخلين شيء عليك
    وجابت السرير انا من كثر الخوف نسيت اغراضي
    ودوني غرفه التخدير جى لي دكتور قطيت وجهي قالي انا دكتور التخدير كذا كذا شايفك وقال بنعمل لك بنج نصفي قلت اوك وقعد يهذر وانا مو حوله
    دخلوني ونقلوني لسرير مادري هالحديده وحط ابرة الظهر حسيت نقزت من الالم قال خذي نفس وبس بعدها ركبو علي الاجهزه وجات الدكتوره اللي بتعمل القيصري بس بعدها تخدرت رجولي 5دقايق الا سمعت الدكتوره تقول جبت لكم عيل انما ايه صوروه انا لفيت انصدمت امدى طلعوها قلت لهم هذي بيبي تبعي قالت اي قلت لها بنت ولا ولد وهيا تطلع اللي في فمها بعدها صاحت قالت بنت ماتبين بنت
    قلت لها الا انا ابي بنت ودمعت عيوني وصحت لما شفتها اللي هناك يقولون لي ليش تصيحين خوف ولا فرح قلت لهم فرحانه حسيت انه راح تعب 9شهور وشفت نتيجة تعبي واهيا تطالع وجابتها لي بس ماعرفت امسكها لانه ممدين ايديني
    بس حبيتها وتمنيت اضمها بس اخذتها بسرعه
    وبعدها طولو ماحس بشيء بس انه كآنه بطني يرتج يمين يسار بعدها حسيت ضاقت انفاسي وكآني بفقد الوعي حطو لي اكسجين وبعدها ودوني غرفه الافاقه تحت الملاحظه 8ساعات احس اسوأ ساعات عمري احس اني ميته وزي اللي بيغمى علي وفقك البنج اه بدأ العذاب الم الم موت عطوني مسكن وصرخت ابي مسكن غير وعطاني ثاني ومافي فايده احس انه سكاكين تقطع فيني
    ماوداني القسم الا الساعه 2الفجر
    اه يالعذاب اول يوم مب في الدنيا قسم اني ابكي من قوة الالم ويعطوني مسكنات ولا احس انهم يسوون شيء لما شالو القسطره قالو لي امشي حاولت امشي قلت يمكن يخف الالم امشي وانا بموت نفس الشيء
    بعدها بيوم جات الدكتوره قالت لي شخبارك قلت لها ميته تعب الم مو طبيعي قالت بعطيك مخدر قوي وقالت شربي سوائل عشان تتحرك الامعاء وتخرجين غازات وترتاحين قلت لها حتى ماي ماقدر اشرب من الالم المهم عطتني الابره والحمدلله حسيت انه الالم اشوي خف
    من يخف المسكن رجع الالم
    الحمدلله على كل حال مستغربه من اللي يقولون القيصري اخف من الطبيعي 😓
    وامس الحمدلله كتبو لي خروج بس بنتي احس عيونها صفر حيل مع انهم ماقالو انه فيها صفار
    بس خوفوني قالو روحي شيكي على العظام عندها في مستشفى ثاني فيه اخصائيين عظام يقول ابوها مادري شنو شاكين لانه رجلينها كله رافعتهم بس هذي اهيا تحركهم طبيعي بس شايله هم
    ادعو انها بس اجراء روتيني مافيها شيء

تابعي تجارب أخرى من هذا القسم.