بنات الله يخليكم هذي ولاده ولا لا

الله يجزاكم الجنه كل الي ردو علي انتم فعلاً مثل الاخوات ❤️
انا مو بكريه هذا ثاني حمل بس عندي مشكله هي إن المشيمه تتكلس يعني ماتصير تغدي الجنين ف نهاية التاسع
عشان كذا سوت لي الدكتوره تحريض عشان اولد
وكمان الرحم فاتح عندي واحد ونص وتنزل مني كتل بيضاء معها خطوط ورديه اعتقد هذي السداده لكن مشكلتي الطلق مو منتظم يجي كل ساعه او ساعتين
رحت المستشفى اعطتني الدكتوره موعد بعد اسبوع لطلق الصناعي بس يارب اولد بدون مااحتاج طلق صناعي

حبيبتي الله يسهلك يارب ويعطيك الساعه الطيبة وتقومين بي السلامه ادعيلي معاك ربي يسعدك 🌹

حبيبتي انتي
كثري من الصلاة على النبي و الحوقله
وخذي لك كل يوم عصير طازج اناناس وكثري زيت الزيتون بسلطتك وتنقعي حمام ماء دافي مرررره مايل للحراره اذا حسيتي بالطلق والله يهون عليك يارب ❤️

الله يسهل عليك ي قلبي كثري مشي والاستغفار واهم شي لاتفكري كثير عشان نفسيتك ماتتعب وتغذي زين

الله ييسرلك الولاده. انا عملت تحريض وتنومت بالمستشفى لاني عديت التاسع وانتظر الطلق ولا جا
بالاخير طلق صناعي لاني ماقدر انتظر اخاف ع البيبي
هذي تجربتي
دام المشيمه فيها تكلس ارضي بالصناعي اهم شي صحتك وصحة جنينك