السلام عليكم ورحمة الله وبركاتة
حبيت اطرح مشكلتي لكم واتمني تساعدوني
المهم انا عمري ٢٥ سنة وزوجي ٢٧ سنه متزوجه من ٥ سنوات وعندي بنت وولد الله يحفظهم ان شاءالله
حياتي مع زوجي كانت مريحة وسعيده بس زوجي صار طريح السرير بعد ماتعرض حق حادث الله يعافيكم ويبعد عنكم السوء وبسبب الحادث ماعاد يقدر يتحكم بقضاء حاجته عزكم الله صار يسويها علي نفسه وهالشي مضايقني حيل حيل مضايقه لاني تعبت وانا اغير ملابسه وفراشه كل لحظه وابي حل حق هالموضوع 💔 ومضايقه بسبب وضعه الي هو في بس ياخي احب زوجي حيل حيل وماقدر اتركه لو شنو يصير انا مضايقه علي حالته لكن بالنسبة حق حبي حقه احبه المهم ادري الموضوع محرج شوي بس اتمني ترفعون معنوياتي لان نفسيتي زفت 💔💔💔 واسفه اذا طولت عليكم . اتمني ماتسحبون علي موضوعي
شاركي في النقاش
سجلي الدخول لإضافة تعليق.
التعليقات
68- الله يشفيه ويعافيه
والأمل بالله والله كريم - ياحبيبتي الله يجعله في ميزان حسناتك اكيد الوضع متعب وان شاء الله يكون مؤقت لا تفقدين الامل الشفا بيد الله
اكيد انتي افضل من يتحمل المسؤولية لانك اقرب انسان له
وان شاء الله بعد فترة لما ربي يشفيه تكون ذكرى جميلة عنده كيف انك اعتنيتي فيه وقمتي بواجبه وزود
والله يشفيه يارب ويسعدكم ويعينكم - الله يشفيه وياجرك على خدمتك له الحل بسيط لبسيه حفاضه واذاسواها غيريهاله الحفايض نعمه من ربي وتصدقي عنه بنيه الشفاء
- الله يفرج همك ويعينك الدكاترة شو قالو لكم عن وصعه
- جزاك الله خير ياعزيزتي الله يجعله في موازين حسناتك ويجعله رفعه لك بالجنه..
اللي انتي في اختبار لصبرك واحتسابك، وهذا حال الدنيا ايام راحه وأيام مشقه ليرى الله شكرنا وصبرنا وتسليمنا..
وماشاء الله شايفتك انسانه اصيله ومعدنك ذهب، لأنه ماتبان حقيقة الإنسان وحقيقة الحب إلا في الشدائد..
اسأل الله ان يزيدك من فضله ويعينك ويرفع عن زوجك ويشفيه ويعافيه ويعيد حياتكم كما كانت وأفضل..
بالنسبه لزوجك في الصيدليات في حفاظات لكبار السن اشوف مافي حرج لاستخدامها علشان تسهل عليك تنظيفه..
اللهم أسألك الصحه والعافيه التامه لزوجها والاجر والثواب لصبرها ❤️❤️
مواضيع مشابهة
تابعي تجارب أخرى من هذا القسم.