شاركي في النقاش

سجلي الدخول لإضافة تعليق.

التعليقات

917
  1. @lhth_lltthkr

    ياعمري يا دريم
    ايش عدم الامباله الي هما فيها مدري هم كذا ما يعرفون الاصول ولا ايش
    عيب عليهم
    وبعدين فين العادات والتقاليد ما ادري هو عندكم زي الي عندنا ولا ايش ان لازم يجيب لها ذبيحه اول ما تطلع من المستشفى حتى لو ما تاكل الحم بس قدام اهلها ويجيب لها فواكه وخضار وخصوصا اذا كان معها اطفال والله امي وابوي مو مسئولين عن اطفاله ويجيب لهم حليب وعصير وقهوه وشاهي
    هم اهلي ماهم مقصرين بس سبحان الله الوحده اذا شافت زوجها جايب كذا حتى نفسيتها تتغير تحس بأهتمامه
    وامه واخواته عيب عليهن هذي الجده لازم تكون اول المستقبلين لك بعد ما طلعتي من المستشفى وتكون معها اكل نفاس واذا كانت حالتها الماديه زينه تجيب معها قطعة ذهب اسواره او سلسال او حلق حتى حلق المواليد مو غالي 100ريال
    بعذرك يجيك اكتأب من هالعيله عوفك الحمل وبيعوفونك النفاس
    بس ماعليه لو كنت بمكانك ومعاي فلوس بجيب كذا طقم. ذهب حلو وكشخه واقول شكرا يا امي وابوي الي فرحتهم بحفيدتهم لا توصف
    والله ما ادري هي عدم مبالاه ولا قلت دبره ولا نجاسه
    بيخلوني اولد من ورا تصرفاتهم
  2. @am_ayla_111

    دريم ويب
    بنات احس ابي افضفض ادري انه مو وقته بس احس مخنوقه 😔 تخيلو بنات انا الحين ولدت لي اسبوع في المستشفى وفي البيت ماحد جاني من اهل زوجي ابد امه بس اتصلت ادري المفروض مايهموني بس والله منقهره مادري ليه يكرهوني رغم ماسويت لهم شيء وفوق اهله …
    الله يريح بالك بالعافية من تجاهلك تجاهليه
    حتى من بالك شيليه وخليهم يحسون انك ولا مفكره فيهم عادي ،
    اما زوجك لا ، تكلمي معاه ولوميه وحسييه انو غلط والناس ناقدين عليه او انتي اخبر فيه وفالاسلوب اللي ممكن ينفع معاه بس لاتتركينه على هواه يحس انك عند اهلك شايلينك وحاطينك ومهتمين فيك وفبناتك وهو رافع يده مثلي عليه ان اغراض بنتك خلصت ومافي احد بيجيب وخليه يجي
  3. @am_alamyr_24

    دريم ويب
    بنات احس ابي افضفض ادري انه مو وقته بس احس مخنوقه 😔 تخيلو بنات انا الحين ولدت لي اسبوع في المستشفى وفي البيت ماحد جاني من اهل زوجي ابد امه بس اتصلت ادري المفروض مايهموني بس والله منقهره مادري ليه يكرهوني رغم ماسويت لهم شيء وفوق اهله …
    والله نفس اهل زوجي يكلمون وماشوفهم إلا آخر النفاس طول النفاس لحالي قبل كنت عند امي لكن بعد ولادتين صرت في بيتي بس زوجي يهتم الحمد لله ويكلم صح ما يجي إلا كل اسبوعين بس يجي عشان يشوف البيبي يوم كنت عند اهلي يستحي
    انتي ماعليك من أحد هي حاجه شوي تقهر بس اذا عرفتي طبعهم المفروض ماعاد يهمك وحياتك ماتوقفت على احد
    وبالنسبة لزوجك ترا هو الأساس من تجربتي اذا قدرك واهتم فيك بيهتمون اهله أو على الأقل عشان خاطرة بيوجبونك لكن اذا ماهتم انسي ان اهله يهتمون وانتي ادرى بطبعه بعضهم مايقصد شي يشوف ان الوضع عادي والبعض قاصد انه ما يهتم وقيمي وضعك وتعاملي معه على هالاساس
    اذا هو شخص لامبالي لا تعتمدين على نفسك ابدا عشان مايتعود عليك
    واللي استغربته ان ابوك اللي يوديك انتي وبنتك
    خلص دور ابوك ترا زوجك وش وضعه حتى انتي لاتحجزين مواعيد لبنتك هو يروح يحجزها والمفروض موديك بولادتك ومواعيدك انتي لاترخين الحبل ولاتنازلين أبد لزوجك اذا لا مبالي أو مبسوط من خدمة ابوك المفروض يحترمه شوي ويشيل عياله
  4. @am_alaanod_ololo

    دريم ويب
    زوجي اناني مايحب الا نفسه واهله اردى منه 😔
    دريم حبيبتي احنا كمان في فتره النفاس كأبه وحساسيه زياده
    انا ابكي من ادنى شي واحزن بسرعه
    ماعليك تصبري مستحيل زوجك مايحب بنته لكن يمكن مستحي يجي النفاس زحمه حريم
    اما اهله صراحه ايوه غلطانين ليش ماجوك المفروض اول الناس يكونون 🤷🏼‍♀️مدري ليش كذا اسلوبهم

تابعي تجارب أخرى من هذا القسم.