عندي مهارة تحدث باجر وخااااايفه جدااا

السلام عليكم خواتي هاي اول سنه لي في الجامعه وباجر عندي تحدث وأحس واايد خااايفه ومتوتره خاصةً بعد ما شفت البنات اللي طلعو قبلي كانو يتكلمون ويشرحون وأسلوبهم كان جدا جميل ويشد المستمع وتقديمهم للمواضيع كانت جدا رااااااائعه كأنهم يقدمون برنامج او شي يعني لهاي الدرجه. المهم هني انا حسيت بالاحباط واني مب واثقه من نفسي لاني اعرف اني ما اقدر أوصل لمستواهم وبكون اقل منهم من ناحيه الحديث ونبرة الصوت ولغة الجسد وطريقة إيصال المعلومة إلخ.. واليوم يلست في الجامعه لين فالليل اكتب الموضوع وأتدرب عليه وايد تعبت وبعدين راويت وحده اللي كتبته بس ماعجبها وطلعت كل العيوب في اللي بقوله المهم عقب ما انا كتبت وتعبت نفسي تقولي هاي كلام يحبطني زياده ف الحين احس خلاص يعني فقدت الأمل اني اقدم احسن ما عندي و اني اجيب علامه زينه. في المدرسه كنت عادي اسوي التحدث لانه صديقاتي معاي وكنا نشجع بعض وجي بس الحين كل وحده سارت جامعه فما عندي من يشجعني
كل شخص يتقن مهاره اكثر عن الثانيه انا عن نفسي اتقن مهاره الاستماع او الكتابه و هالاشياء، يعني عادي امشّي فيهم بس مهارة التحدث وايد أتوتر منه وكله تجيني افكار سلبيه، اقول اذا نسيت آو اذا ما اقدر أتكلم آو اذا صوتي استوى واطي او عن انطباعهم عني وايد بتفشللل احسس