💙🎊التباشير (السابع عشر 17) لمواليد سبتمبر و أكتوبر 2019🎊💖

السلام عليكم ورحمة الله وبركاته
كيفكم يا أحلى كروشات ونفوسات إن شاء الله بخير وكيف حال نوناتكم😘💖 وحشتووووني والله♥️ بس عاد اعذروني مرررره انضغطت مدارس واختبارات وبنتي ماتسكت الله يصلحها جننتني وماهي راضية تتقبل المصاصة سوت بي نفس أخوانها الله يعين🤦‍♀️
المهم الحمد لله على سلامتكم دريم وأم ايلا وأماني وسمو وأم مريوم وبنت القصيم ومباااارك ماجبتوا الله يجعلهم من مواليد السعادة ورزقكم برهم وصلاحهم 🤲💕
وعقبال البقية ياااارب الله يسهلكم ماتبقى ويهون عليكم ويفرحنا بسلامتكم ويجعل ولادتكم سهلة ميسرة كطرفة عين يارب ياكريم ويبلغكم لذة أحتضان بيبيهاتكم بصحة وعافية 🌹💖

اي
يمكن تصارع بين الجوهره واييلين

هلا سبات اي والله لك وحشه
نفس حالتي عيالي اختبارات وشغل البيت والبنوته اللي مالها شغله غير الصياح ورفضت اللهايه كل يوم احاول فيها 🥺

مدري شلون وكيف الطريقه نخلي البيبيات ياخذون اللهايه انا بالنسبه لي ٨٠/١٠٠مشاكلي تنحل لو تقبلت اللهايه😩

شوفي أسرار أنتي بدأتي تصدقي كلام اللي حولك ان حليبك مايكفيه طنشي والله انا على ولدي قبل حرمته من الرضاعة الطبيعية واعطيته صناعي والسبة زوجي عشش بعقلي الباطن فكرة ان حليبي مايكفيه وكل ماصاح بالليل من المغص يقولي شفتي جيعان مو قادر ينام حليبك مايكفيه الين مارسخت برأسي هالفكرة وصرت ارضعه صناعي واستسهل الرضاعة لأنه الحليب يجيه بسهولة وبطل يرضع من صدري وتحجر الصدر وسخنت وتبهدلت فنصيحة لاتسمعون كلام المحبطين وزي ماقالت تشيز كيك انا شفت سناب ملكة كابلي والاخصائية اللي جلست عندها حول ساعة تنصح على أهمية الرضاعة الطبيعية كلامها يجننن ومفييييد تقول الأمهات الآن يستسهلون الصناعي ومايدرون أنه كارثة يتسببونها لعيالهم تتوسع معدة الطفل وهو بالبداية مايحتاج إلا قليل و تصير معدة الطفل مايكفيه يأخذ أكثر من حاجته عشان كذا يمتن على قلة فايدة وأغلب الناس تحسبه صحة والله مافيه خير الصناعي أبداً والطفل يصير بس يمرض و مناعته تكون شبه معدومه 😔