اهلي يكرهون بنتي ..ساعدوني

أسْتَغْفِرُ اللهَ العَظِيمَ الَّذِي لاَ إلَهَ إلاَّ هُوَ، الحَيُّ القَيُّومُ، وَأتُوبُ إلَيهِ

💔💔💔💔💔
الله يعوضك ويعوض بنتك

١- كلمي اخوك الكبير اللي يحبها وهو يتفاهم معهم
٢- روحي اسكني عند جدتك اذا موجوده واتركيلهم البيت او اسكني عند اخوك الكبير او شقه قدامه
٣- اذا مالك سكن ضبي ملابسك وملابس بنتك واقلبيها هوشه وهدديهم انك بتطلعين من البيت للشارع قولي اتركوني اهيت بالشوارع ارحم لي من عندكم (اكيد ما راح يسمحون لك تطلعين بس بيخافون والعيار اللي مايصيب يدوش)
٤- اذا بنتك تكسر اغراضهم وتخربها امنعيها
٥- وانتي رايحه العصر الدرس الخصوصي حطيها بالحضانات اللي بالساعه يكون عندهم قصص والعاب وتضيع وقت وتستفيد
٦- أمك ايش دورها؟ مالها كلمه على عيالها؟ خليها تتدخل بالموضوع
٧- قاطعي اخوانك اللي يضربونها بمعنى لا تسولفين معهم ولا تضحكين ولا تخدمينهم لو بكاس مويه لان مو معقول يضربونها وانتي بعد نص ساعه تجلسين تسولفين وتضحكين ولا كأن بنتك تكفخت من شوي
٨- هدديهم بالشرطه والحمايه الاجتماعيه والعنف الاسري قولي لهم بيوفرون لي سكن انا وبنتي (طبعا كذب محد معطيك بيت الا تروحين دار الرعايه بس اكذبي عليهم)
٩- روحي المستشفى وارجعي قولي لهم بنتي فيها فتاق وقال الدكتور انتبهي عليها من البكاء اذا بكت او انضربت تحملي النتيجه (يمكن يحاسبون شوي)
١٠- توظفي ضروري تستقلي ماديا عشان تستقلي بحياتك اصلا اول ما يصير عندك راتب سبحان الله يصير لك هيبه مدري ليه

لا تسمحين لأحد يجرحها ودافعي عنها قدامها وعوديها تاخذ حقها باحترام ..أما تتركينها ملطشة فبتدمر لا قدر الله .