اعيش في بيئة عمل سيئه
انا اعيش في بيئة عمل سيئه ومو محصله بديل انا عندي التزامات واقساط على راسي وغير متطلبات الحياه وزوجي راتبه ضعيف ومضطره اتقبل هالوظيفه لانه راتبي جيد جدا من اول يوم دوام وانا احصل عداوه من موظفتين حاولت ادور السبب والله ماحصلت الا الغيره مني فقط كانو دائما ياذونني بالكلام وبالشغل ويتحكمون فيني مع العلم انا توظفت بشهادتي الجامعيه وخبراتي ومستوى درجتي أعلى منهم وكنت اطنش حركاتهم وهم المفضلات عند المدير لأنهم غسلو عقله بكلامهن الحلو معاه واذا نادى وحده منهم ترد هلا فديتك او اذا طلب شي ترد من عييييوني ومن هالقبيل من الكلام السيئ وما في اي مستحى وعاطيهم مناصب اعلى مننا ومسؤلات علينا انا صبرت طول هالفترة لانه معي زميلتين وكانو مهونين علي الوضع وكنت اضحك معاهم ونتسلى ونساعد بعض حتى يخلص الوقت الطويل من الدوام بس وحده منهم ماتحملت الوضع وطلبت نقل وانا حاولت انقل ماقدرت عندهم اكتفاء ومارضو والثانيه زميلتي كانت للاسف ام وجهين تقربت منهم وكانت تذل نفسها عليهم عشان يتقبلوها كانت تقولي انا تقربت منهم لاني ابي مصلحتي وصارت تطلع معاهم وتسوي مع المدير مثل مايسوون وفعلا صارت منهم بس انا تربيتي واخلاقي وخوفي من ربي مايسمحلي اسوي مثل مايسوون بس الان صارن كلهن شله وحده ومايعبرونني واذا انجزت عملي كانو يطلعون فيه ١٠٠ عيب ووحده منهم من بداية الدوام لنهايته وتكلفني بااعمال واذا رفضت بتشتكيلي عند المدير وبيكرهني وبيحطني براسه انا قلت بجلس في مكتبي ومابحتك بااحد بس هم يهاجموني من تحت لتحت ويكلفوني بالاعمال كرهها فيني باقي الموظفين شباب ومالي شغل فيهم غير الاحترام وكل أحد يجامل الثاني لمصلحته انا جدا كارهه عملي ونزل مستوى ادائي فيه وابكي من داخلي كل يوم على التعب النفسي مادري شسوي ومااثر هالشي على حياتي الخاصه انا حساسه جدا وعندي صعوبه فالمواجهه وارجف وشخصيتي ضعيفه ما اخذ حقي ومااحب المشاكل والزعل واللي تعبني انهم يضحكون مع بعض قدامي وانا ولايعبرونني ومنقهره من زميلتي اللي كنا مع بعض ع الحلوه والمره وهم منتصرات لانها تخلت عني