التجمع الخمسة والثلاثين لمواليد مارس وابريل💙💕

هو مع ارتفاع الجنين ترتفع
انا امس سالتها الدكتوره البيبي كله تحت حتى الحركة تحت قالت هو كل مايكبر يبدا يرتفع وهي تحط لي السونار صارت تحط عند السر وجنبه يعني بدا يرتفع شوي عن قبل

هو الخوف منها المشيمه مو الحين الخوف لاصار من الشهر السابع وطالع هينا لازم جد ترتاحين وماتصعدين درج وممنوع الجماع

هلا ليليانا انا من عجمان😅
وهي اصغر اماره في الامارات صغيره جدا مافيها خضار ابد ولا جبال بس بنايات وشوارع وحررر وزحمه مغتربين
جيرانا اماره الشارقه وام القيوين نبعد عن دبي نص ساعه او اقل
نطل على بحر الخليج العربي عندنا شاطي بس صار معظمه مغطى اما للفنادق او للمحلات مو مثل قبل
وباقي البلاد صحراء مبنيه مباني وفلل
اذا بغينا نشوف الجبال او الوديان نسير الفجيره كلها جبال او راس الخيمه ومعظم الامارات تطل على البحر وكلما دخلتي داخل زادت الصحراء
الحر عندنا زياده والمطر نادر الا في المنخفضات الجويه
رحلاتنا الاسبوعيه دبي للمطاعم والمولات او الفجيره للجبال والطبيعه او راس الخيمه تغيير جو
عطيتج تقرير مفصل😂

تيجريس حياتي انا ماسويت فحص شفافيه
انا خبرت الطبيبه كانت سودانيه شوي وبتنام وقلت لها ابغي الفحص وقالت ايواااا فحص الشفافيه وهي ولاكتبته في الملف
وانا سرت ثاني يوم ونسيت اسأل الاخصائيه لان اول مره وحوسه ادور مكان العياده وين فنسيت
لما رحت اراجع قالت لي ماسوت لج فحص كان المفروض انتي تطلبين منها😲
بس قالت لي اصلا في السونار مايكون واضح اصلا مابيبين شي
كأنها تقولي حتى ان سويتي الفحص ماراح تستفيدين ماراح يبيبن

هم المستقبل مبروك البنوته
مريومه مبروك تأكيد جنس البنوته
ان شاءالله تفرحون بشوفتهم وحضنهم
وعقبالنا نعرف جنس الجنين قريب