التجمع ١٣٤ للمقبلات على الحقن المجهري واطفال الانابيب

انا عملته ب ٤٠٠٠ ريال لإزالة اللحمية لكن سمعت انه سعر التشخيصي اقل

لا
المنظار لازم بنج مثل السحب

شرحت لي الدكتورة دلال

وراح اقولها لكم للاستفادة

فيه ٣ انواع من المناظير

النوع الاول اللي هو المنظار البطني وهو اكيد ببنج كامل وجراحه فيه بالبطن خفيفة ويستخدم سابقا فقط للي عندهم مشكلة بالانابيب وفي حالات نادرة
وهو طبعا مكلف تقريبا ١٢ الف

والحمدلله ما نحتاجه لانه خاص بتعديل شيء وجراحه مالنا خص فيها

المنظار الثاني وهو المنظار المائي يكلف تقريبا فقط ١٠٠٠ لكنه مؤلم لانه من غير بنج وهو فقط عشان يعرفون هل فيه زوائد او لا يعني مهوب علاج ولا يقدرون يشيلون الزوائد يعبون الرحم سائل وبنفس الوقت يدخلون القسطره تصور

وهذا ما نصحتني فيه لأن لو اتضح ان فيك زوائد طيب بهالحاله تضطرين انك تسوين المنظار الرحمي


المنظار الرحمي .. النوع الثالث
وهو المهم جدااا لنا ويختلف سعره من مركز لمركز اابعض ٧ الاف والبعض ٣ الاف والبعض بينهم

هو طبعا ببنج بسيط مثل بنج السحب
يدخلون القسطره واول ما يشوفون فيه زوائد يشيلونها فورا اسم انك تحت البنج ما تحسين بألم

وقالت لي انه في حال ما حصلت زوائد والامور تمام تسوي لي تحفيز للبطانه بما اني تحت البنج

يعني تضربين ٣ امور بوقت واحد
تشخيص .. واطمئنان ان الرحم مافيه التصاقات او زوائد

الامر الثاني شيلة الزوائد في حال كانت موجودة

الامر الثالث تحفيز للبطانه اذا كان مافيه زوائد بشرط الدورة اللي بعدها تبدين تنشيط وسحب لأنك حفزتي البطانه وتطمنتي عليها وصارت مستعده

طبعا

فيتامين ب ١٢
وفيتامين دال بالذات هم اللي نقصهم يخليك ما تستفيدين ابداااا من حبوب الفوليك
وتضعف الاجنة كثيررررر .

السلام عليكم
بنات انا اليوم سويت السحب
بس مررره تعبانه دوخه وغثيان طبيعي كذا
وايش اخذ عشان يخف عني

ما اعطوك مضاد ؟

كثري شرب المويه وخذي مسكن البنادول الازرق العادي وكثرررري من الألياف عشان تطلع الغازات المعبيه بوقت العملية

وامشي يا قلبي عشان تطلع الغازات وترتاحين شوي .

اهم شيء يا الغالية لا تاكلين اي اي شيء يسبب لك امساك