التجمع ١٣٤ للمقبلات على الحقن المجهري واطفال الانابيب

آمين آمين
جلست معه قبل شوي ..ومصمم يقول ارضي بقضاء الله وقدره .انا ناوي ناوي ووبدون سبب يعني مو المشاكل وكذا على قوله
اقوله دام كذا راح تجيب كل الي ابغاه واطالب فيه قال ان عندي بعطيك وان ما عندي بقولك ..ماد تدري ايش فيه كذا فجاءه ..ولا بيسمع حتى كلام غيره من اهله يقول محد له شغل فيه وادري بزواج ومسولياته واذا عندي ما بيقصر في المعقول ..
عيالي كلمهم ولدي مو فاهم شيء عايش حياته وبنتي ساكته بس اكيد بتفكر بالموضوع وتعبه عمرها١٤ ..
امس خميتهم كنت تعبانه وبغيت حد يواسيني وانفجعوا .😭😩ربي يبرد على قلبي ويعطيني مرادي بغير شر

ياعمري فديتهم الله يحفظهم كسر قلب البنت
والله لا بغيتي الصج الواحد منهم لا بغى يتزوج تزوج وبدون أسباب مايفكر بالمستقبل يفكر في يومه
والله مادري شقولج مابي اخبب الله لايجعله يشوف غيرج

حبيبتي منال امين يارب
والله يسهل عليج عمليتج وتبشرينا قريب

يالله والله قلبي عورني عليك ي امال
الله يهونها عليك ويرد لك ردا جميلا يارب العالمين
خلاص دام انه ناوي ولا عنده نيه يتراجع خلك قويه ولا تبينين انك انهرتي بزواجه بالعكس خليه يتفاجئ بقوتك وخلاص طنشيه وعليك بالصلاه اخر الليل وارفعي يدينك لربك هو الاعلم بحالك
الله يهديه ويصلحه يارب

اللي خطبها من معارفكم احس لو رضيو قلة حيا وعيب عليهم يخربو حياتك مادري شلون الوحدة تبني حياتها على سعادة غيرها الحمدلله الذي عافانا الله يصلح زوجك ويصرف عنه وان شاءالله يردونه ومحد يرضى فيه😕