طفلي شقي عمره ثلاث سنوات

السلام عليكم منتدى عالم حواء انا مشتركه جديده ودخلت عشان تعطوني حلول واراء ونتشارك مع بعض .. طبعاً انا عندي طفلي البكر عمره ثلاث سنوات وكتبت ف محتوى الموضوع انه شققققققققققي بزياده لدرجة اني صرت م اخرج من البيت بسببه يعني ايشي يروح يخربه ومهما اتكلم واعلم فيه مستحيل يسمع لكلامي يعني معاناه بشكل مو طبيعي المهم (( انا مليت من تعليقات الناس وبذات اهلي صرت استحي اروح لهم لانه الوحيد اللي شقي في عيالهم والله ي بنات م قدر اجلس اشرب فنجال قهوى على راحه كل شويه اقوم أجيبه يدخل الحمامات وانتو بكرامه ويدخل المطبخ ويكسر ويكب وينثر اغراض امي واهلي يتضايقون منه بشكل مو طبيعي وانا انسانه مليت من اني اقعد مسجونه وأنتم قديكم عارفين الواحد كيف اذ طول شهور كمان بحكم اني ساكنه في منطقه بعيده وصرت اتعذر اني اجيهم بس نجبر وقت الاجازات ننزل بس طبعا نروح نسكن لحالنا بس اكيد اني راح ازورهم المشكله مو في الزياره المشكله الولد كل م يكبر تزيد الحاله هذا يعني اول كنّا نقول صغير سنه سنه ونص م يفهم سنتين الحين ثلاث سنه ماشي ف اربع سنوات والله م يفرق عن طفل توه مشى انا مقهوره (( انا بقولكم بعض من تصرفاته وابيكم تطمنىووووني وتقولون لي متى راح يتغير في اَي عمر )) مثلا الكاسات وصحون واحنا جالسين وتكون ع الطاولات يخربها ويحوسها ايشي ع الطاوله حتى قدام الناس الأغراب بلعكس م يستحي اهم شي عنده يخرب وانا انحرج مره منه والمشكله نظراتهم لُي تجلط ، لمن اكون ف المطبخ يقعد على الثلاجه ومره كنت نايمه وكسر البيض كله على الفرش لمن يصحى من النوم مستحيل عيني تغمض يقعد ازعاج ازعاج حتى اقوم ياخذ الاغراض اللي على التسريحه ويعفس مكياجي وامس اخذ جل الحواجب وعدم الجدار والكومدينا به ، يدخل الحمام يرش بلمويا ويكب المطهرات ويعبث بكل شي ، طبعا عنده اخوه اصغر منه عمره سنه مستحيل يخليه يرتاح يقعد يدفه ويضربه في كل شي بذات الالعاب م يلعب معه سوا رغم انه يحبه ويضحك معه واذ غاب عنه يزعل ويدور له بس يحب ياذيه بشكل ويحب يكون متسلط على الالعاب واخوه م ياخذ شي انا عجزت اقسم بلله ي عالم افهمه سويت كل شي علموني وش الحل انو يترك العادات السيئه هذا وهل عمره طبيعي يسوي كذا عمره ثلاث سنوات بضبط تكفون اللي مجربه وامم او اللي عندها حل تعطيني نصائح وش الحل مع طفل مثله اخيرا دعوووووووواتكم له بصلاح والهدايه لعلى دعوة غريب تكون مستجابه اللهم يارب اجعل الصلاح والهدايه له ولجميع اطفالكم يارب يارب يارب ساعدنا في تربيتهم ولا تشقينا فيهم