شاركي في النقاش

سجلي الدخول لإضافة تعليق.

التعليقات

58
  1. @26_1

    أنا صاحبة الموضوع الي تتكلمين عنه و أشوف ماله داعي كلامك الغريب


    زوجي رجل بمعنى الكلمة اللهم لك الحمد و ماني بمجال أستعرض وش سوى لي ولا كم دولة سفرني بأقل من سنة ، ولا كيف يصرف علي ، اللهم لك الحمد كما يليق بجلال وجهه وعظيم سلطانه


    لكن مخاوفي و حيرتي شرحتها بالتفصيل بموضوعي ومافيه حاجة أعيدها هنا وهناك


    أبد ماله شغل ان ( لو كان زوجك رجلاً بمعنى الكلمة ) .. لأن ببساطة نتوظف لأنفسنا رجالنا مالهم شغل ، الوظيفة أمان وسلاح بيدك وكذابة الي تنكر ، وترى الدنيا تتقلب يا حبيبتي ، الله من وحدة نامت متزوجة و قامت أرملة الله يكفينا شرور الدنيا يارب .
  2. @baby_face_8

    كلامك غير منطقي يعني اللي زوجته موظفه مو رجال بمعنى الكلمه ؟! مع احترامي لك الموضوع ماصار متعلق بالرجل الموضوع متعلق بالمرأة وطموحها مع انها تتزوج رجل بمعنى الكلمه وغني ومو مقصر معها لكن ماترضى تحط شهادتها تحت المخده وتنام .. صارت ماترضى بأقل درجات التعليم والمناصب وزوجها معها يساند ويفتخر فيها .. أنا موظفه ولو بنام اقدر انام ببيتنا بكل أريحيه لكن لا .. موظفه وأختلط بالمجتمع وسهل جداً علي تعليم أطفالي باللغتين وزوجي فخور جداً فيني ولازلت أطمح للأعلى بإذن الله .. هو إختيار المرأة بالمقام الأول لانها لو لديها طموح التعليم والعمل بتشترط على زوجها هالشي قبل زواجها وإذا ماعندها هالطموح راح تترك دراستها عشان زوجها .. الزوج مو بنك دائم لك ممكن تتطلقين وتعيشين تحت رحمة الضمان وفضل الناس ممكن لاقدر الله يصير ظرف ويعجز الزوج عن العمل وتصيرين المسؤوله الأولى عن العائله وش بتسوين تتسولين رحمة الناس والإعانات .. اطمحي للقمه ولاتعلقين آمالك كلها بزوجك ومصروفه افتخري بنفسك مو زوجك عشان بكره تقولين انا فلانه مو انا زوجة فلان .. وشكراً 🌺
  3. @zhr_amr

    صاحبة الموضوع
    أحترم رأيكن لكن لي تقول الوظيفة تملأ فراغها أقولها اذا المرأة عملت كل واجباتها وأحط مئة شطر تحت كل فوالله لن تجد وقتا كافيا حتى للنوم
    وأحسبها معاكم عندنا 24 ساعة
    ساعة أذكار للصباح واذكار المساء
    ساعة قرآن نصف ساعة للورد ونصف ساعة حفظ أو مراجعة
    ساعة للصلوات الخمس مع الرواتب
    ساعة قيام ليل ودعاء
    ساعة مابين قراءة في السيرة النبوية وقراءة في الواتس وعالم حواء و و و
    4 ساعات شغل البيت مع توقفات مع الأولاد طبعا
    3ساعات للزوج ومتطلبات الأولاد
    ساعة لنفسك وأمورك
    7 ساعات نوم
    وأصبح المجموع 20 ساعة وبقيت 4 ساعات ياترى 4 ساعات تكفيكي للشغل؟ أم سنصبح في تفريط في وردنا اليومي واولادنا وأنفسنا؟؟
  4. @26_1

    ^ هذا مو كلام منطقي وتقسيمك أي كلام
    خصوصاً يوم قلتي ساعة أذكار صباح ومساء !! بالله هذا كلام أوادم ؟! ترى الأذكار ممكن تقرينها وانتي تشتغلين بالمطبخ
    ومدري ايش 3 ساعات للزوج و متطلبات أولاد ، مين الزوج الي بيقعد يقابلك انتي لحالك كل يوم 3 ساعات ؟!!!!


    لعلمك حتى الي ما عندها شغالة و ربة بيت ، تلقى وقت فراغ كبير ، وهذا سبب رغبة كثيرات في الوظيفة

تابعي تجارب أخرى من هذا القسم.