التباشير الثامن لمواليد نوفمبر & ديسمبر 2019

يعطيكم العافيه طينه ومنوله 🌸


بنات التواسع ايش وضع النفسيه حاليا؟
تحمس ولا زهق وملل ولا اكتئاب

مبرووك اللي ولدوا والحمدلله ع سلامتكم
الله يجعلها تباشير خير وتساهيل

هلا بنات بقولكم اكشني قبل اطلع وانشغل مع بناتي
طبعا قبل موعد الولاده طلعت كالعاده للبر وقلت لكم من قوة النفسيه قمت اهرول سريع كأن احد يلحقني وحده ملت🤢 وعقبها مرينا وتعشينا بمطعم والامور كويسه قمت نظفت بيتي ورتبته كالعاده روتيني وعقبها نمت صحيت صبح شربت لي حليب بقرفه وخليتها هالمره مطحونه ابي مفعولها قلت لكم قفلت معي😂 وهاتك شرب ولحد اللحين مافي شيء وعدا اليوم بسلام هذا الكلام الثلاثاء وبالليل طلعت بالحوش وهالمره هرولت من قلب قلت لازم هالبنت تطلع بأي طريقه خلاص متت وشديت نفسي شوي رغم التعب واقوم اسوي لي حليب بقرفه وعسل وشرب مع تمر وانام عقب وصحيت الصبح ع مغص زي م قلت لكم اخر مره بس كان متباعد بين كل مغصه ومغصه ساعه وهذاني صابره واقوم اسوي غداي ونتغدا ولما جاء العصر حسيت المغص اشتد واقول ياربي هذا طلق ولا وش اختلف علي الاني مجربه الطلوق كيف واتصفح بالنت وذا ماش مالقيت اجابه مقنعا
وقمت سويت لي قهوه وشاي قلت بروق عليهم ويمكن اني اوسوس الاخت للحين صامله مافيها ولاده😂😂 واتقهوى واعين من الله خير وجا المغرب الا ويشد الملوي قلت بس بس هذه الاني المغص قلب طلق اسفل بطني وكل ماجتني طلقه طحت ع السرير اتلوى واشد نفسي واقوم اتنفس قوه وحتى صلاه يارب تاجرنا ع كرسي كل ماجتني طلقه صنمت وادا رحت كملت لين صلاه العشا وصار الالم لايتحمل مررره والاخ يصيح بالبيت يبي عشا وانا ساكته م قلت له اني تعبانه قلت اذا عجزت اتحمل تكلمت وسويت عشاه وكل ماجتني طلقه قمت ركعت احس براحه كذا وعقب م خلصت عشاه طحت بغرفتي ابكي من الالم وهو دخل وراي وقال شفيك قلت شكلها ولاده قال تستهبلين لو ولاده ماقعدتي لحظه بالبيت بس عشان يشوفني متحمله وساكته قلت ابي طلق يشد ثم اروح قال اي هين ان ماطرودك مستشفى وقالو توك ريضه واروح لهم ويكشفون ويلقون رحم فاتح 4سم وقالو يلا ولاده ولبسوني ودخلوني كشك ولاده وهنا كانت اصعب لحظاتي بين طلوق حاره وكشفيات والتخطيط لحاله كوم ماضبط البنت كانت حركه ببطني وعجزو يثبتون جهاز كل ماحطوه بمحل غيرت مكانها وهكذا حتى الممرضات عجزو عني وكل شوي اقلبي يمين يسار وسط وانا متت بين كل طلقه وطلقه اقلب عذبوني قلت خلاص مراح اقلب تعبت قالو عشان نبض بيبي لازم يتحمل وانا طول فتره ذي ساكته والرحم يادوب كل ساعه يفتح سم مره الطلق حامي بظهري وبطني عند الفخوذ اه يارب تاجرنا وطول فتره طلوقي ذكر الله بلساني ماوقفت لين ولدت وطبعا لما فتح ١٠ سم هنا تعبت بالدفع عشان البنت صغيررره نتفه وقعدت حول الساعه ادفع بكل قوتي بس ماش مو راضيه تنزل ابدد البنت وفغصو بطني ونزلوه تحت ماضبط ويهاوشون فوق راسي حرام عليك بيبي ضعف نبض لازم يدفع احلف لهم قاعده ادفع بكل طاقتي بس مو طالعه واشوف دكتوره تقول للثانيه هاه عمليه نحولها بيبي تعب تقول لا نصبر وتقوم تضغط ع بطني بكل قوه من عندها وانا ادفع اه يالله طلع الراس حسيت بحراره واقول لهم طلعوها برتاح قالو ادفعي عشان نسحبها وادفع طوووووويل وحمدلله طلعت وعقبها المشيمه طلعوها بدقايق حسيت ولدت من جديد وطبعا من غير التنظيف الي تعدبت فيه ويفغصون بطني قاعده اترجاهم يفكوني ويالله افتكيت منهم عقب صراع ورحت للملاحظه واحس مخي طافي مشفر عقب الاحداث الي صارت وبنتي للان بالملاحظه يقولون تنفسها سريع ادعولها تطلع بسلامه

يا حياتي الحمد لله على الخلاص،،، كله بأجره أن شاء الله،،، وان شاء الله تتطلعين انتي وبنتك بالسلامه يا رب

ياعمري الله يكتب اجرك

ويسلم بنتك من كل شر وتطلع بصحه وعافيه يارب

استودعناك الله انتي ووبنتك ❤️🌹