ابوي ضربني قدام زوجي

يبيك تعرفين ان مالك الا زوجك
لا تنطشين زوجك خلاص لا تطولين السالفة تسمج
ذكرت قصة عائشة بنت ابي بكر رضي الله عنها لما ضربها امام زوجها النبي صلى الله عليه و سلم
كان بينهم خلاف هي و النبي وهو حكم بينهم

الله يهدي ابوك حركته مالها داعي كذا يقوي الزوج عليك بس برضو ابوك سامحيه ولا تكدرين خاطرك اما بالنسبه لزوجك ف خلاص دامك رجعتي له وحاول يلطف الجو ف خلاص ارضي هذه انتي رجعتي له الزعل مامنه فايده وانا اختك لاتنعزلين ولا شي اضحكي وأخرجي لزوجك واستغلي فرصه انه يلطف الجو وقولي طلعني اغير نفسيتي وتدلعي وعيشي جو الحزينه أن ابوك كان بيضربك وخلي زوجك يراضيك هههههههههههههه. انا مثلك تري ابوي كذا كان يسوي فيني وحمدالله ع كل حال الدنيا تمشي وانا اختك

ي حبيبة عيني لا يضيق خاطرك الله يبشرك باللي يسر خاطرك والله ييسر امرك ويشرح صدرك ويسخر لك م تتمنين ويريح بالك ويكفيك مااهمك ويحفظك ويحقق لك م تتمنين


ويهدي والدك وزوجك ويسخرهم لك عليك بالدعاااااء وسورة البقرة والله انها دواء لكل تعب سوا نفسي أو جسدي والله يبشرك باللي يسر خاطرك والله ي حبيبة اختها ان مع القرآن وسورة البقرة همومك لو انها مثل الجبال سبحان الله تهووووووون لو انها مدري شلون من الله سبحانه خليك عليها ولا جاء الله افرشي سجادتك واشكي للواحد الأحد سبحانه جل شانه تعبك وهمك وخوفك وكل م في خاطرك الله هو امانك وسندك وقوتك والله يحفظك ويحفظ لك ابوك وزوجك وطفلك وتشوفين فيهم م هو خير ويسرك الله يحفظك ي عيني 🧡.

يمكن ابوك من النوع العصبي جدا
والكبار ما يتحملون
يمكن شاف موقفك غلط وزعل منك


يعني الاسباب مو واضحه لنا سبب رميته الطاسه عليك
لكن اذا مره ثانيه زعلتي روحي الشخص المناسب
اخ ولا ام ..

حاولي تكلمين ابوك وتروحين له وتحبين على راسه وتتأسفين منه
وقولي له تكفى يابوي تكفى تكفى صلح الموقف اللي امس عشان مايتقوى علي زوجي ويعرف ان وراي سند
بحيث تجين انتي وزوجك بيت ابوك
وابوك يعدل الموقف ويقول كنت معصل وانا من حبي لها وخوفي عليها عصبت والام والاب ما يعصبون على عيالهم الا من محبه