التجمع الثالث والاربعون لمواليد مارس&آبريل٢٠٢٠🤰🏻💙💜.

حتى انا شكيت بالموضوع
لاني رايحة جاية للحمام و اشرب ماي كثير
و مرتين يطلع اثر الجلوكوز بالبول
مرة طلع trace و مرة +1
اصلا السكر عندنا وراثي بالعائلة
الكل واخد الحيطة و الحذر
جزاك الله كل خير يا الغالية
الله ينورك❤❤

لا ان شاء الله مافيك الا العافيه لا توسوسين وخلي الامور تمشي زي ما هي لا تروحين للمستشفى ولا شي اساسا المشروب بالاسبوع ٢٥ وانتي توك
ب النسبه للحمام ترا من ضغط البيبي انا البيبي عندي تحت ف تضغط ع المثانه وغصب كل شوي ع الحمام وبالليل اقوم من نومي للحمام ف عادي لا تخافين خلي الامور طبيعيه واستمتعي بحملك وانبسطي

ودي اروح بس اطمن اذا في لسة التهاب بعنق الرحم لانه من كثر ما كان ملتهب نزل بني و البني معروف كان دم بالاول
حابة بس اطمن ليكون ما راح و يمر للبيبي لا قدر الله
حطيت شوربة خضار على النار تسخن اشربها و اطلع
حاسة ببرد شديييد لاني وقفت السكر 😩

مساء الخير كيفكم جميعا 👋🏼

اليوم رحت المول بس على اساس تمشيه مع صديقاتي و دخلت ماماز اند باباز ياربي الأشياء تذبح اشياء جديده و ملابس رسميه للبيبي اشياء راقيه مره و بنفس الوقت وقت المحاسبه يخصمون ٣٠ بالميه من قيمة الفاتوره ،، تخيلو بساعه وحده و من محل واحد بس خلصت كل شي للبيبي من سرير الى بلانكت من ملابس نوم الى بجايم الى ملابس رسميه و مهادات و كل شي لان صدق المحل يحمس كل شي جديد و انيق و حلو وبنفس الوقت تخفيض ٣٠ بالميه من قمية الفاتورة ،، اخذت سرير يجنن راح يوصلونه بكره وبوريكم صورته،


اما باقي المحلات مادخلت شيء لان زحممممه وغير كذا تخفيض على اشياء قديمه عندهم ،،


عن تجربه بطانيات المواليد لاتتعدون ماماز صدق صدق حقت استخدام و كررررف وربي بطانيات عيالي لحد الان كأنها جديده و ناعمه ،، و فوط الشاور بعد رهيبه عندهم ناااعمه مو خشنه للجلد ،،
اشوف كثير يمدحون بطانيات سنتر بوينت انا ابد مايعجبني احسها مو حق كرف و استخدام ،