بنتي الكبيره راح تجنني عطوني حل

الضرب القوي والمتكرر ترا نتيجته مثل الدلع الزايد.. يصير ماعاد يأثر فيها وقفي ضرررب
اقرأي عن طبيعة مرحلتها العمريه وعليك بالدعاء ثم الدعاء.. حاولي تحضنينها وتمدحينها ولا تكثرين عليها طلبات.. عامليها وكلميها كأنها كبيره واطلبي منها اعمال تبع كبار مثلاً تساعدك بأمور الطبخ ..دايم وصيها تنتبه لاخواتها الصغار وكلمي اخواتها الصغار قدامها انهم لازم يحترمونها.. اذا مره نكدت عليك عاقبها انك ماتكلمينها ولا تهتمين فيها ولا تسمعين لها خليك كم ساعه كذا مطنشتها بتحس وترجع تعتذر..

بنتك في مرحلة بلوغ ومراهقه تبغى تثبت ذاتها وتحس انها كبيره


عامليها كأنك صاحبتها او اختها الكبيره مو مشكله انزلي لمستوى عقلها شيلي فكرة الضرب والعقاب من قاموسك اسأليها عن يومها بالمدرسه ايش سوت مع صحباتها مين معلمتها المفضله شوفي ايش هواياتها وطوريها وشجعيها


اذا منعتيها من شي وضحي لها السبب واذا سوت اي شي كويس بالبيت طيريه السماء امدحيها قدام ابوها واخوانها واهلك الكلمه الطيبه سحر


عوديها تحضنيها وتقولي لها احبك واموت فيك وانت احسن البنات صدقيني بتحب هالشي وتتغير بس عشان تمدحيها


عنادها معاك لفت نظر واثبات شخصيه لاتكسري مجاديفها بالعقاب والضرب


وحطي نفسك مكانها وبعمرها وشوفي كيف تحبي امك تعاملك وعامليها
حصنيها يومياً وادعي لها بصوت عالي الله يوفقك ويحفظك ويسعدك واشوفك احلى البنات والله ماتتخيلي كيف ياثر في نفسيتها
ورددي لها انك واثقه فيها واستشيريها دايما


بحضن وحنان وتشجيع ودعاء وصبر بنتك تصير مافيه منها ولاتقولي ماينفع فيها الا ينفع باذن الله بس انت غيري طريقة تعاملك معاها وشوفي كيف تتغير


والله يعينك ويحفظها

خههههه شكلها وارثه عدم الاحترام من ابوها دايم منفس ومعصب علي طبعا ومدلعها مره

يارب والله هي من كانت صغيره كذا وابوها مدلعها انا تخاف مني اذا عصبت او ضربتها بس بالكلام ماتفهم هي حنونه ودمعتها طارفه وتخبرني بكل شي يصير معها وتلاعب اخوانها واذا كنت تعبانه من نفسها تقول نامي وتلاعبهم بس اللي يقهر لسانها مره مره مافيه احترام يارب يهديها مابيدنا حيله

والله احضنها كنت دايم بس اخلاقها نفرتني منها الله يهديها ويصلحها يارب مره مأزمتني يارب يهديها اضربها غصب عني