التجمع ١٣٦ للمقبلات على عملية اطفال الانابيب والحقن المجهري

ليحين ماابتديت فيها بس سويت عنده قبل تلقيح صناعي مرة وحدة وخذت عنده قبل ابر منشطة عند دكتور احمد بركات وحاليا انطر تنزل الدورة واسوي تحاليل ٢ يوم الدورة وارجع له بالنتايج

اي الدكتور يكتب ادويه من اول ما سويت التحفيز الاول الى الان عليها

الله يفرحك بالتوائم المباركين وتبشرينا في القريب العاجل.

ادعوا لي بنات قسم بالله النفسيه تحت الصفر

اليوم سويت السحب وقال الدكتور ماطلع غير بويضتين مع انها قالت لي ان فيه ٧ او ٨ بويضات

خايفه ماتتلقح 😭😭

يارب سألتك بعظمتك وقوتك ان تبشرني ولاتفجعني يا الله

ادعوا لي بنات تكفون 😭😭

وبالعاده متى يبلغوكم اذا تلقحت او لا ؟؟

لا تخافين و توكلي على الله و فوضي امرك له ، كثري استغفار و ( لا حول و لا قوة الا بالله )

اليوم الدكتور يقول لي عنده مريضة سحبوا منها ٣ بويضات و تلقحت ٢ و حملت ما شاء الله

و مريضة ثانية كانوا ١٧ و تلقحت ثنتين بس ف يقول العبرة مو بالعدد بالجودة و البركة و امر الله فوق كل شيء

الله ييسر لك امرك و يطمن قلبك و يرزقك الذرية الصالحة و الحمل المكتمل

بالنسبة لي بتجربتي الاولى بلغوني بعدد الاجنة يوم الترجيع اللي هو ثالث يوم بعد السحب