لقينا هالشي الغريب بالحمام!

اول شي السلام على الجميع


بنات انا عندي حوض الحمام انفك وصار يهتز مو مثبت وجبنا عامل يصلحه
فلما جا بيصلحه رفع الحوض لقي سروال داخلي لزوجي وفانيلة داخلية واشيا غريبة شوي وخيط معقود بشعر ومليان عقد محبوكة ببعض ومليان دم ومربوط بخيط اصفر واخضر وأسود.
صراحة يوم شفته خفت لايكون سحر زي ماقالي المفسر


حلمت قبل ٥ شهور انه ادخل حمام اهلي والاقي الحوض مكسور والاقي شعر مخبي وسحر اسود مكبوب فقال انتو عندكم سحر في حمام وصراحة مااخذت تفسيرة بجدية


واخوي حلم فيني قبل ٣ ايام اني لقيت السحر




انا يابنات مااقلكم اموري تعسرت واللع ومن رفع سبع وبسط سبع يابنات حياتي تحولت مليووووون درجة مليووون مااحكيلكم عن الامراض اللي جتني وعن العمليات اللي بغو يسوونها لي ولما اكثف قران الحمدلله تروح المشكلة الصحية بس اوقف ترجع


ولا عن زوجي كيف تحول من شخص طيب وهادي الى وحش كاسر


ولا عيالي المؤدبين الى وحووش يصعب التعامل معهم
انا باختصار حياتي متدمرة ومنتهية وصابرة ومحتسبة واقول لعله ابتلاء من الله


لكن يوم شفت الشي اللي اليوم معقولة يكون سحر او مجرد وساخة بس وش جاب هذي الاشياء تحت الحوض


زوجي رماها يقول وساخة لكن انا اخذتها وقلت باحطها مع مويا مقري عليه اقل شي اكون عملت بالاسباب

48 تعليق 17,164 مشاهدة

شاركي في النقاش

سجلي الدخول لإضافة تعليق.

التعليقات

46
  1. @ana_ndmanh

    بسم الله شي يخوف والغريب انك شفتي احلام وبرضو ماصدقتي احس صدق واضح انه سحر خذيها ووديها لشيخ يفك السحر افضل ....
    والله يحفظكم يارب ...


    بس سوال كانت عندك شغاله؟.او من ممكن يسحرك؟ ويحط الأغراض تحت الباينو
  2. @am_hnd_14

    تاخذينها وتحطينها بمويا مقري فيها مع ملح
    وتتركينها تنشف وتحرقينها
    طبعا مع قراءة اذكارك وايات ابطال السحر
  3. صاحبة الموضوع
    أنا ندمانه
    بسم الله شي يخوف والغريب انك شفتي احلام وبرضو ماصدقتي احس صدق واضح انه سحر خذيها ووديها لشيخ يفك السحر افضل .... والله يحفظكم يارب ... بس سوال كانت عندك شغاله؟.او من ممكن يسحرك؟ ويحط الأغراض تحت الباينو
    شغالة ايوه اكثر من شغالة كان عندي
    والله مدري وانا اختك
  4. @aam_thryr

    وعليكم السلام والرحمة
    الله يحفظنا ويحفظكم من كل شر
    والحمدلله رب العالمين لعله فرج واستجابة دعاء
    لذلك خذي بالأسباب كاملة ووديه لشيخ يفكه
    بنفسه ويقرأ عليه
    لاتهملين ذلك ياأختي ولاتتأخرين
    والله يحمينا وإياكم ويفرجها على كل مكروب

تابعي تجارب أخرى من هذا القسم.