التجمع ١٣٦ للمقبلات على عملية اطفال الانابيب والحقن المجهري

اللي نزل معاها دم الله يثبت حملك ياحي يا قيوم
والله اغلب حوووامل الانابيب معاهم دم ينزززل ماعرف ليه بس اهم شي اذا نمو الحمل تمام والهرمون مناسب لاسبوع حملك فباذن الله بيتم انا كل اشكال الدم شفته حتى والله العظيم اني قعدت اكثر من اسبوع البس فاام من كثر الدم والنفسية كانت دماااار بس ابكي ابكي ابكي وماكنت قادرة اعلم احد ينتشر الخبر واجهض لا سمح الله وتنكسر فرحتي بس الحمدلله فوضت امري لله وزدت الجرعة حقت المثبت وارتحت راحححة تامة واللهم لك الحمد ربي تممها لي والعقبى لك ياكريم


وبالنسبة للتؤام منا للولادة ٨ شهور حاولوا تجمعون مبلغ وتقدمون على خادمة او احد يساعدكم ماديا من اهلك او اهله عادي مافيها شي

روحي بس من طريق مختصر يعني لا تلفين شوفي اقرب مدخل للسينما وأمشي على مهلج ولاتلبسين كعب مب لانه خطر بس لانه مب مريح ويعور الظهر

هلا حبيبتي الله يتمم لج على خير يارب

انطري كم يوم لاتحكمين عالبطانه لانه بعد السحب اكيد بيعطونج مثبتات والمثبتات تسمك البطانه

الله يعوض يارب ويكرمج بالحمل

اسالج من وشو خايفه ؟؟
بالنسبه لحد يساعدج جيبي خدامه تساعدج قبل الولاده بشهرين او ثلاثه
لاتخافين الأمر بسيط انا حملت وأول حمل لي توام تخيلي بكريه ماعرف شي والحمدلله الامور طيبه تبارك الله ماكان عندي الا خدامه وحده وبيتي كبير وزوجي من النوع الصعب يبي كل شي اول بأول ياويلنا لو تأخرنا بغسيل ملابسه ولا البيت ماتنظف ولا شاف شي في البيت ماعجبه مابي ادخل في التفاصيل وتطول السالفه واللحين عندي مب وحده ثنتين الريايل يبون عيال خلاص يجيبون خدم 😂😂
هذا رزق من الله الحمدلله اذكر سوينا تجمع لحوامل التوأم وايد استفدنا منه كنّا مجموعه كبيره والله اذكر معنا وحده تبارك الله ماشاءالله لاقوةالابالله عندها سبعه من قبل وحملت وهي ماتبي الحمل وفي الرابع اكتشفت انها حامل بتوام ثلاثي تبارك الله عاد على كلامها بيتهم صغير ووضعهم المادي مب اوكي وسبحان الله ماندري يمكن يطلعون خيرة عيالها الله يخليهم كلهم لها ويبلغها فيهم يعني حملت وهي ماتبي الحمل مب مثلنا ماشاءالله اذكر كانت وايد متضايقة وسبحان الله مع الأيام رضت واللحين عيالها يمكن كملوا سنه وزياده
فكري راح ترتاحين من العمليات كم سنه لاتتضايقين والله العظيم انهم يجننون التوأم ودي اصور بناتي تشوفينهم والله يشرحون الخاطر ماشاءالله حركاتهم مع بعض وتعلقهم في بعض وهوشااتهم وغيرتهم ويكبرون مع بعض
الحمدلله على نعمة تدرين ودي كل اللي في التجمع يجيبون توام 😂

فيه وحده اربطوا لها بالسادس تبارك الله وولدت بالتاسع هم اللي مولدينها ماجاتها ولاده
واعرف ناس اربطوا وجاتهم ولادة يا انفك معهم الماي او جاتهم طلوق عندي وحده من اهلي من فتره اربطت بداية الحمل وجاتها ولادة جابت توام بالسادس الربط مامنع عنها الولاده

انا ترا مافرض رايي انا اتكلم عن تجربتي كل وحده تسوي الشي اللي ترتاح له واللي دكتورها يشوفه الأفضل لها

الله يتمم للجميع على خير
ويرزقج يارب باخوان وخوات لبنتج ❤️