اكره تصرفات امي

السلام وعليكم انا اول مره اكتب في منتديات يشهد الله من ضيقه بصدري كتبت عمري ٢٣ سنه بنت عايشه مع اهلي أعاني من تصرفات امي المستفزه معاي دايما تحاول انها ترفع ضغطي وانا جدا عصبيه وقلت لها من اول انو ماتعصبني لأني افقد أعصابي وأقول كلام مو زين وتعامل اخواني غير عني مع اني احبها ودايما اتمني لها الخير واساعدها لأكن مااشوف منها اي أسلوب زين معاي ولا اذكر مره انها قد ضمتني ولا ضحكت معاي الا اذا تبي مني شغله وإذا تهاوشت انا واحد في البيت تغضب علي تقعد شهر ماتكلمني وهو عادي تجلس معاه وتكلمه والله العظيم اني انقهر منها وإذا شكيت لها من شي تهاوشني وغيري عادي تتعمد انها تضايقني وتقول لي انها من يوم جيت علي الدنيا مالقت خير وانا والله انه صار عندي اكتئاب من معاملتها القاسية اتمني احد يرد علي بااي كلمه وشكرا

23 تعليق 14,734 مشاهدة

شاركي في النقاش

سجلي الدخول لإضافة تعليق.

التعليقات

21
  1. طيب جربتي ترسلي رساله لها اذا تقرا فضفضي لها يمكن تحن
    ادعي كثير وحوقلي واستغفري وتجنبيها وحاولي ترضيها وركزي اكثر على تصرفاتك وقد ما تقدري لا تعلي صوتك عليها واذا غلطت عليك قولي الله يسامحك يمكن تنحررج الله يهدي يسخركم لبعض💜💜
  2. نفس معاناتي مع امي الله يسامحها كانت تهيني وتحتقرني وتحرش اخواني يضربوني وكانت تتريق علي وتعايرني والله العظيم ما انسى موقف حصل لي وانا في سادس ابتدائي كنت اطبخ الفطور في رمضان وانا صايمه وصار وقت التجهيز وخالتي فوق راسي تصارخ وتهزء فيني استعجل اجهز الأكل قبل مايأذن كنت احط الرز في صحن ومن العجله انكب وتحرقت رجولي ويديني وسمعت امي تقول بسم الله على بنتي وش صار فيها وجت تشوفني وراحت تكب مويه على رجليني انا هنا نسيت الدنيا كلها واطالع في امي منصدمه وابكي من ردت فعلها حسيت شعور لايوصف نسيت الم الحرق وكلمة امي تتردد في بالي تمنيت ان هذي اللحظه تستمر للأبد حسيت بحنانها من مجرد كلمه رغم قسوتها في باقي الأيام كبرت وتزوجت بعمر صغير حملت بفضل ربي ورحت اولد وهي راحت معي وانا في الطلق تقول لاتبكين ادعي الله بس خليك تحسين بعذابي وانا اجيبكم خليك تحسين بتعب الأم ومن هذا الكلام الله يسامحها اتعبتني نفسياً ابتعدت عنها ٩ شهور كامله سافرنا لمنطقه ثانيه وبعدها رجعت تحسنت معاملتها لي ومع الأيام صارت عاديه جبت عيال وكبرت وحنيت للأيام معاها رغم قسوتها ومازلت ادور رضاها الله يحفظها ويطول بعمرها.
    اعذريني ذكرت قصتي من موضوعك تقلبت علي المواجع..
    بس ممكن تفيدك بأنه دوام الحال من المحال وامك ثم امك ثم امك مهما سوت ومها قالت تحمليها وبري فيها بكره يجيك عيال وينرد لك الدين
  3. @roaby_alakhaaa

    والله قصص الأمهات تبكي مافي ام تكره ضناها لكن بعض الأمهات ينقصها فن التعامل ويمكن من جهل او طبع وتربية عاشت عليها وتربى عيالها عليها
    لكن والله مافيه احن من الام لو رجعنا للحقيقة راح تلاقي إحنا السبب بجفاءنا احيان تشوفي الام تميل لأخ اكثر من الآخر شوفي ايش الصفات الي خلاها تحبه اكثر من الثاني يمكن حنون عنده اسلوب يونسها يسعدها الخ
    الله يحنن قلب امك عليك ويجعلك من البارات بها
    ياجماعة والله العظيم سر التوفيق في الحياة بر الوالدين والعكس صحيح
  4. والله انا نفس الشي قايمة باليت كله ولا جزاء ولا شكر ولا كلمة طيبة تشوف ان هذا واجب واذا قصرت اتعاقب ..
    طبعا لا مصروف ولا كلمة ولا شي عيشة عبيد
    والعيال مغفور ذنبهم لو رموها بشارع ..


    تعبت نفسيتنا تحطمت احلامنااا. .. مهما نسوي مافي فاييدةة

تابعي تجارب أخرى من هذا القسم.