💗حسيتي ان الدنيا لازالت بخير💗

السلام
موقف حسيتوا ان الدنيا لازالت بخير احكوه لنا

دمتم بود🎤

16 تعليق 2,741 مشاهدة

شاركي في النقاش

سجلي الدخول لإضافة تعليق.

التعليقات

15
  1. ب اكثر من موقف
    تعرضنا لحادث مروري الناس نزلت من سياراتها لي يعرض المساعدة ولي يجبلنا موية وعصير ولي يشوف جرحنا ولي وقف معانا ماتركونا حتى وصلونا للمستشفى
    قبل سنة وقفت السيارة فيني انا وزوجي انقطع البنزين بنصف الشارع وكنا مسافرين
    وقفت لنا دورية لاحظت وقوف السيارة والعسكري سبحان الله قمة بالادب والرقي تركنا وراح للمحطة وجاب لنا دبة بنزين زوجي صار بيعطيه فلوس البنزين ابتسم وقاله اخالفك الحين امشي بس


    نفس الموقف تكرر معانا انا واهلي بنشر الكفر على حظنا بطريق سريع اقرب محطة تبعد ٦٠ كيلو ومافي سبير
    قعدنا ساعة وسبحان الله مر من قدامنا سيارة ولف علينا استفسر عن السبب واخذ الكفر وراح غاب يمكن ساعة ورجع معاه كفر جديد وكالة ركبه وجاب بنزين للسيارة وجايب عصير وموية وفطاير لنا
    ابوي جا بيعطيه فلوس قاله لااا يا ابوي كلنا اخوان ياشيخ والله ما اخذ منك ريال


    كنت العب بنتي بالحديقة وطاحت على وجهها وطلع دم
    الحريم والرجال تجمعو علينا واحدهم شال بنتي بدمها ووصخ ثوبه واخذها للمستوصف قريب الحديقة وطلعت معاهم هو حرمته وانا على اعصابي واتصل ب ابوها
    خلاهم يداوون جرح بنتي ودفع التكاليف رجعنا لبيتي قبل مايرجعنا نزل غاب شوي رجع معاه كيس حلويات وبطاطس وعصير وكم لعبة
    سبحان لي خلق هذي النوعيات
  2. @lumeire

    امنيياتي الجميلة1
    ب اكثر من موقف تعرضنا لحادث مروري الناس نزلت من سياراتها لي يعرض المساعدة ولي يجبلنا موية وعصير ولي يشوف جرحنا ولي وقف معانا ماتركونا حتى وصلونا للمستشفى قبل سنة وقفت السيارة فيني انا وزوجي انقطع البنزين بنصف الشارع وكنا مسافرين وقفت لنا…
    ما شاء الله😍😍😍 فعلا ابتسمت يوم اسمع القصة هذي فعلا شي يوسع الصدر❤️ ربي يسعدهم و يسعدك و دايما يسخرلك الناس هذي❤️🤲🏻
  3. @faith_5

    احس نظرتنا للامور هي اللي تحكم مو مواقف بحد ذاتها..


    اللي يبغا يشوف الدنيا بخير بيشوف الشغلات الحلوه والايجابيه في الحياه ويركز عليها، بيشوف ابسط الاشياء حظ وتوفيق..


    راح يلاحظ الشي الحلو في الناس..


    واللي يبغا يشوف شر الدنيا بيركز على المصايب والأحزان وبفسر كلام الناس بنيه سيئه، ويشوف اللي يسوي الخير يتمصلح، ويركز على فئات المجتمع الضايع وهكذا..


    فتقريباً الشخص هو اللي يتحكم بنظرته للحياه،


    ماننكر في ناس مرت عليهم ظروف صعبه ومواقف مؤلمه، بس الحياه ماتوقف عند أحد أو عند موقف وعجلة الحياة مستمره
    ولازم نقدم حسن الظن بالله ونتوكل عليه في كامل أمور حياتنا ونلتفت للاشياء الحلوه والجميله حتى لو كانت صغيره ..
  4. صاحبة الموضوع
    امنيياتي الجميلة1
    ب اكثر من موقف تعرضنا لحادث مروري الناس نزلت من سياراتها لي يعرض المساعدة ولي يجبلنا موية وعصير ولي يشوف جرحنا ولي وقف معانا ماتركونا حتى وصلونا للمستشفى قبل سنة وقفت السيارة فيني انا وزوجي انقطع البنزين بنصف الشارع وكنا مسافرين وقفت لنا…
    ماشاءالله مواقفك تسر الخاطر وتثبت ام الدنيا لازالت بخير

تابعي تجارب أخرى من هذا القسم.