ماتقبلت يابنات نفسيتي تعبت

لو فعلاً مسوية الدايت عشان نفسك
ماكنتي تركتية

سلامات عشانه دب قلتي كذا ترا مصيره ينحف بعدين الشكل مو كل شي استغفر الله عاد انتي حلوه يوم تتكلمي عنه كذا عاد من زين جسمك عشان تقولين كذا دبه تعيب

بسم الله احط المشعاب والخيازرين عند باب الموضوع وادخل 😏


شوفي ياعزيزتي لا تكذبين على نفسك وانظري للواقع بكامل تفاصيله بمصداقيه ومنطقيه
يوم انخطبتي لهذا الرجال كنتي بوزن زايد والرجال ما اشتكى ولا عايرك ولا عافك ولا قال ابيها مثل نانسي عجرم وهيفاء وهبي رشاقه وخصر وارداف وصدر وانوثه مرسومه رسم !!
لكن يوم انتي نحفتي دخل الغرور بنفسك وتكبرتي وتجبرتي وصار الدب يعع وكخه ومو على ذوقك ؟
انتي صرتي مثل الرجال اللي اذا سمنت زوجته من الحمل والولاده يستقعد لها ويعايرها ويعافيها ويروح لغيرها
فهل ترضين على نفسك ان زوجك بالمستقبل لو زاد وزنك يعاملك بنفس الشي اللي جالسه تحسين فيه ؟
هل بتلقين له عذر لتجريحه لك وانه يعاملك كجسد فقط بلا مشاعر ولا روح !
اللي تمرين فيه درس ورساله لك بإن الزواج أعمق واكبر من القشور اللي تفكرين فيها
واذا ماعندك استعداد للزواج وظروفه بحلوها ومرها لا تتزوجين الى ان تنضجين
وترى العشرين كيلو اللي نحفتيها ماراح تعطيك صك وضمان انها ماراح ترجع بعد الزواج
والشحوم الزايد بجسم خطيبك مالها صك ضمان انها تبقى بجسمه ممكن خلال شهرين ينزلها ويجيك معضل ومقسم وانتي بشحومك تلطمين وتصيحين على حالك
ياما بنات ورجال بعد الزواج تغيرت احوالهم كشكل اما بالزياده او النقصان فلا تاخذك نفسك بالغرور والاشمئزاز من شيء كنتي عليه سابقاً ويوم راح منك صرتي تعايرين به غيرك
لعل الله يبيك تفهمين اشياء وتنضجين وتصححين طريقة تفكيرك اتجاه جسدك واتجاه الاخرين
الله ماخلق مقياس قبولنا وسعادتنا كم كيلو ننقص او نزيد
هي الشخصيه والاخلاق والاحترام وحسن المعاشره اللي تخلينا نتقبل شخص او ننفر منه على اتفه سبب
والوزن انا اقولها لك انتي مانحفتي عشان نفسك حتى لو قلتيها بلسانك انتي من داخلك نحفتي عشان الناس وعشان يشوفونك حلوه ورشيقه ويمدحونك مانحفتي عشان صحتك وعافيتك فراجعي نفسك وافهمي نفسك وش تبين


الله يشرح صدرك ويسهل امرك ويصلح حالك ويهدي بالك


< اخذ اسلحتي ومشعابي من عند الباب واطلع مع السلامه

باين ان توك صغيره بالسن لانك تفكيرك سطحي .. ( هذا الرد الصدقي اللي مابيعجبك )

الرد اللي بيعجبك انحفي وخليك حابه نفسك لنفسك لصحتك قبل كل شي
واذا تزوجتي ساعديه على انه يتغير وشجعيه منه بيتقرب اكثر منك لانك واقفه معه
ومنه انه يكسب صحته وتكسبين اجره ..
خلي عنك التفكير السطحي هذا اهم شي ..

استغفر الله عندي رد ويارب اني ما احطمك
اول شي استمري في رجيمك لمن توصلين للوزن المثالي ماشاء الله
عندك عزيمه واصرار

بس بقولك ابشرك ترى انتي بعد الزواج والحمل والولاده بتسمنين
خاصه ان جسمك طبيعته سمين وقابل للسمنه
يعني احتمال كبير انك تسمنين
فخلك على زوجك عشان لما تسمنين يصير حتى هو سمين معاك
لقالك ذيك الساعه سمنتي ردي عليه عالاقل انا سمنت من الحمل
انت شاللي سمنك
يعني انك نحيفه من يومك واهو مايدري
الله يوفقك ويسعدك