اللاعب والمشهور يصلح للزواج

وين التاليف ابي افهم اللاعبين مايتزوجون ولا وش المشكله

بغض النظر عن إن القصة تأليف أو لا ...
لكن حتى لو كان شخص عادي ، أنا ما أنصح أي بنت تاخذ
رجل متزوج وعنده أطفال من غير أسباب وظروف مقنعه ..

لاتوافقين من اولها تنعرف خفاياه يناظرك بكل قله ادب ومشهور ومتزوج اقولك فكي نفسك ماعنده الا الضعوي يومين ويطلقك لو اخذك لانها نزوه وتمر مرور الكرام اصبري ويجييك احسن منه بالف مره 👍🏻

موفقه

سواء لاعب أو حارس مدرسه أو حتى عاطل بالنهايه هو رجال مثله مثل كل الرجال
وظيفته ومهنته ماتعطيه حصانه وقداسه ولا درجه ارفع من غيره
مقياس الزواج الناجح انكم تسألون عن اخلاقه ودينه
ومعليش يعني الرجال متزوج وعايش وشايف بهذي الدنيا الى ان قال امين
وش اللي يجبرك تقبلين فيه ؟
هل انتي ناقصك شي او فيك عيب او وراك اهل بيرمونك على اي رجال ؟
واساساً مين العاقله اللي تقبل تتزوج شخص يدرعم على الحريم ويبصبص بعين قويه وزوجته ياغافلين لكم الله هذا اذا ماكانت ذايقه المر والويل منه وبالعه موس وساكته قدام الناس تضحك وبالبيت تلطم من ردات حظها مع هالنسونجي

كلن عقله براسه طرحك للموضوع هنا مدري وش تبين من وراه