التجمع ١٣٧ للمقبلات على عملية اطفال الانابيب والحقن المجهري

امس رحت سويت أشعه طبعا اليوم العاشر للدورة
زودتني يومين زيادة
الحمدلله الدورة وقفت من امس
واحتمال ثلاثاء الابرة التفجرية عسى ماتزود ايام التنشيط

انا الدكتور كان قايل لي ناخذ محلول قبل الترجيع كم مره
بعدين لما قررنا رفض يعطيني المحلول غير مره قبل ومره بيوم الترجيع وكلكسان يقول يكفي وزياده
لكن اذا ربي ماكتب راح اخليه يرسلني لدكتور متخصص للاجسام المضاده افضل.
يعني انا قبل ولدي عرفت بالاجسام واخذت ابر سيوله ونجحت معاي توقعت اني عرفت العله وبصير سهل حملي بعده طلعت السالفه اصعب لدرجه سالت الطبيب هل الاجسام ممكن تغير شكلها ممكن تصير اقوى او ممكن بعد الطفل الاول تتكون اجسام مختلفه يقولي لا وللامانه اعطاني تحليل لازم اسافر اعمله برا علشان نعرف بالضبط النسبه ولما سالت عن العلاج قالي نفس الخطه فماقدرت اسافر اعمله

رحت صيدليتين بأخذ اختبار حمل سبحان الله المرة الأولى نسيت المرة الثانيه استحيت الصيدلية ملائمة رجال وهي الوحيدة الي فيها ابر التنشيط
لعل بلامر خيرة
اليوم برجع ثاني لهم لان ماقدر اخذ وزوجي معي راح يرفض

الله ييسر اموركم يارب وامورنا انا مره قويه واقول ماعليه حتى لو فشلت انا قويه وتعودت على الصدمات لكن اليوم الصبح وانا جايه الدوام ماشفت نفسي الا ابكي واختبصت ام الماسكرا 😖😖 ودخلت تقولي زميلتي وش فيك ولدك مصحيك بدري والا مو مخليك تنامين 😭😭

شكلو انا وانتي مع بعض😍 يارب تبشرنا بكل خير