تجمع أمهات الأشبال 💙

ياقلبي مافي مستحيل على ربي الله يجبر بخاطرك بتوأم ذكور حاسة فييكي والله

يارب ياكريم ماتعدي هالسنه الجديده الا وانتي حامل ب ولد صالح وسليم لاتيأسين كل شي ب امر الله الحي فالدعاء والصدقه واطلبي من امك وابوك فقط يدعون لك .. انا مثلك بس العكس ماعندي بنت وكنت ادعي وابكي ان حملي الاخير يكون بنت بس طلع ولد ماقولك مازعلت وقنطت اعوذ بالله بس اقتنعت ان امر الله كله خير وفاللحظه الي يشوفها ربي مناسبه يرزقك .. ( وخلق الانسان عجولا ) ثم اذا فيك تسعين من اطفال انابيب وغيره اسعي وربي يسعى معك الله يكتب لك الخير وحسن نيتك وطيبك يكفي 🌸💕

اللهم آمين
ربي يرزق كل منّا مايتمنى

بعد قلبي انتي
الله يكفيك اشكي له واطلبي منه
وانصحك بكثرت شرب موية زمزم
واذا تقدرين تروحين هالايام مكه والله مادعيت دعوه بين المقام والحجر الاسود الا ربي استجابها سبحان الله

وماراح انساك من دعاء والله والجميع
ربي يحقق لنا مانتمنى يارب

راح اعطيك قصتي ممكن تعطيك امل
انا عندي بنات وزوجي مو صغير وكل اخوانه اصغر واكبر منه جابو اولاد مو ولد واحد
ونظرات الشفقة الي مالها داعي من حواليني وزوجي كل ماجاء ولد على واحد من اخوانه احسه يحزن واناا اعرف زوجي لا ضاق صدره
وكل من شافني لاتفكرين تحملين طبيعي حددي جنس سوي ترجيح وكنت اسلك لهم واتضايق جو نفسي
دخلت التجمع هذا قريت بالتجمعات السابقة وقررت اغامر قلت هالمره بجرب وبعدها باذن الله ارجح لو مازبطت معايا قلت بنت مع خواتها الحمدالله عز وسند لي لكبروا لانه انا داخليا مقتنعه بهذا الشي ان بناتي سند لي وبجنبي لاكبرت ومعروف هالشي البنت مهما كان نور بيت اهلها مهما راحت وتزوجت ترجع تنوره
الزبدة بديت مع سي السيد فيتامينات بروكسيد والظاهر زنك لانه طلع عنده لزوجة وضعف بالحركة وعسل عطيته
بديت معه قبل٣شهور من الحمل
انا خففت حلىً من ثالث دوره تابعت مع الدكتوره وكانت رافضة مبدا الحمية لكن انا سكت وسويت حمية بدون مااقولها كثرت مموالح واناناس وعطتني منشطات ابر
ثم ابرة تفجيريه هنا وش صار طلع عندي يوم ١٣بويضةحجمها١٨ ووحدة حجمها تخيلي ١٣ قالت لازم تجامعين لاتضيعين الفرصه قلت طيب في وحدة بتطلع بعد كم يوم وانا اعرف الحيوان الانثوي بيقعد خمس ايام بالرحم مايموت اصرت مره علي حتى هنا سالتكم قلتو لا وقفي متابعه استخرت وصليت وكنت والله ماخلي صلاه الوتر وادعي فيها وبرمضان ادعي وابكي بدعايي
المهم توكلت على الله وجامعت الفجر وكملت معها منشطات ثم خذت تفجيريه قالت جامعي بعد١٢ساعه ورفضت انا جامعت بعد٣٠ساعه
حللت وطلعت حامل هنا صدق صدق تحسفت اني ماسويت ترجيح خفت مره
المهم الاسبوع١٤قالت خمسين بالميه ولد خفت لايكون غلط عادته لي بعد بعد فتره وقالت ولد والله دموعي صبت لاشعوريا جعلك تذوقين هالاحساس قريب يارب وعلى طول بالغرفه سجدت شكر لله على عطاياه لانه انا فعلا فعلا حسيت ربي وش كثر يحبني ورحمني وشملني بعطفه
وهذا عزوزو الان معي عمره سنه ونص لاتم السنتين ببدا الرحلة من جديد
ومنور بيتنا وله جمهور وشعبيه
لاتياسي من رحمة الله انا كنت احس الولد مثلك حلم صعب المنال لكن باب ربك مفتوح لك ادعيه باوقات الاجابه وتصدقي وطبقي الاسباب
الله يرزقك انتي وكل بنات هالتجمع بالذكور الصالحين المعافين عاجلا غير اجلا
تراني اعرفكم وحدة وحدة لاني متابعه من سنتين بصمت معكم♥️