ضااااع شبابي وراحت حياتي للأسف

لكن الحمدلله
في انجازات غافله عنها
بالله مابريتي بأمك وأبوك
ماصليتي صلواتك بوقتها ماقمتي الليل ماصمتي اثنين وخميس وايام البيض
ماتصدقتي
ماعلمتي بنتك وخليتها تكون بنت صالحة ماصبرتي ع الالم
مازرتي مريض واوسيتي فقير
ماطبختي لصائم وكسبتي أجر ياحبيبتي هذي هي الانجازات
ليش نغفل عن الاشياء الزينة بحياتنا
والعمر مستمر الماضي راح المستقبل بالغيب
عيشي يومك ويلا أبدي
علاقتك مع ربك هي انجازاتك

اول شي الحمدلله ان ربي سبحانه مد بعمرك وماتوفيتي والحمدلله انك بصحه وعافيه
واسألي الله سبحانه أن بمد بعمرك ع صحه وعافيه وعمل صالح
الشي الاخر
توك شباب وصغيره وفيه اللي بعمرك رجال وحريم توهم يتزوجون
وفيه اللي توهم يتوظفون
وفيه اللي توهم ينجبون اول مولود
وفيه اللي ماعنده حتى طفل
وفيه اللي بعمرك واكتشف فيه مرض عضال
مسأله تشوفين نفسك كبيره هذا شي عادي لأننا عندنا عقده العمر والكبر من يومننا صغار بال٢٠
دايم نخاف الكبر ونسابق الزمن والاقدار ومالنا غير المكتوب
وسبب الخسران والاسف والندم من شخص فعلا يكلمك من تجربه... ليس عدم الحرص ع الدنيا وليس عدم حبها لان حبها ممصع قلوبنا.. لكن السبب بالخسران هو حب الدنيا وعدم الحرص ع الدين..
لانه سبحان الله العظيم كل ماهانت الدنيا عليك وغلا الدين كل ماجتك الدنيا والعكس!
شوفي طريقتك بالحسره
كله بكا ع أمور دنيا
وكله مو بيدك
ليه ماقلتي عمري ٤١ واللي الان ماحفظت القرآن؟ وعرفت تفسيره... ليه ماقراه كل يوم... ليه الي الان مااصوم دايم ماحجيت ماعتمرت ماتصدقت مااتهجد ماتسنن مااكثر الدعا مو كل حركاتي وسكناتي تسبيح ليه ماكفلت يتيمة تكون شمعه لي ولبنتي بالدارين ليه ليه..
وكلها اشيا تقدرين تسوينها بإذن الله سبحانه وانتي بالغرفه..
وهذي اللي اجلدي نفسك عليها
ولكن الاشيا اللي مو بيدك مثل الزواج والرجل الكفو والذرية وووو هي اللي تلومين نفسك عليها!
الان
روحي صلي ركعتين
وقولي هالكلام عند رب العالمين
بدال الي الان ٤١ سنه تبكين عند الناس..
وبقولك همسه كل ماجاك الشيطان بطاري العمر
ترى النعيم والعذاب. والهنا والشقا مايعرف عمر..
وفهمك كفاية
مافيه احد كبير ع الهنا. ولا صغير ع الشقا
الا ما شاء الله
والله اعلم

ليلة من الليالي


كلامك جمييييل والله كأنك اعطيتيني كف على وجهي وصحيتيني
والله انك صادقة
يارب تردنا إليك ردا جميلا
جزاك الله كل خير 💔

ورقة جوافة
ريم
كتابية
حلوى القطن


شكرا لكم جميعا 🌹🌹

ليش هذا التشاؤم
زواج صديقتي بعد اسبوعين مطلقة وعندها ٥ عيال اللي خاطبها دكتور مطلق
مبسوطة ماشاء الله الله يوفقها