رسالة عاجلة من الأمانة !

ماعليك منهم كلنا معك ونحب مواضيعك وردودك وكل شي فيك تصدقين نزلت موضوعين اسال عن موضوعك وانحذفت كلها على طووول تاكدت ان فيه احد مركز عليك

تسلمون يا جميلات ربي يسعد قلوبكم ويجبر خواطركم جميعاً
كلمات طيبه لطيفه انعكاس لجمال شخصيات اصحابها اللي اتعلم منكم بدون ماتحسون
صحيح ما اقدر اقتبس وارد على الجميع لكن اللي بقوله والله ان ردودكم محل تقدير واشكركم عليها الله يعزكم ويرفع قدركم ويسخر لكم خيرة خلقه


إنسانه :
نوري انعكاسك يا جميله تسلمين
الحظر مو اكبر المشاكل العضويه بدالها عشرين والحمدلله ما انطردنا من جنة والحياة فيها متسع وتنوع
لعل في الامر رسالة ربانيه لي او لغيري نتعلمها ونتطور ونرتقي بأنفسنا وفكرنا وتوجهاتنا واختياراتنا لان اذا انقفل باب إعلمي ان هناك عدة ابواب تنتظرنا والله يوفقنا وياك ويرشدنا لأفضل الاحتمالات ويسهل لنا الصواب


امطار الشتاء + دانه 1440 + اي كلام وبس + ام آدم :
ربي يسعدكم يا جميلات نورتوا ماننحرم من هالحضور اللطيف


moono :
آمين الله يوفقنا وياك لكل خير
الله يجبر بخاطرك على هالكلام اللطيف والله يسخر لك ملائكة السماوات وجنود الارض ويسخر لك خيرة خلقه يارب
من امثالك اتعلم اللطف والايجابيه وحسن الظن والكثير ... الله يسعدك مشكوره


عالمي هو عالم حواء الجميل :
الوضع مايشجع على كتابة مواضيع لان هنا يتبعون سياسة الفكر والرأي الواحد ويرفضون اي شي يخالفهم
وعلى فكرة انا من ايام العضويه القديمه من سنوات قررت ما اتحمس واكتب مواضيع لانهم يحذفونها مايسوى علي احط جهدي ووقتي في صياغة موضوع او تلخيص علم ونقاش فكره ثم ببساطه يطير لسلة المهملات عشان كذا يكفيني اشارك بالردود


العليا :
الله يحبك ويحبب خلقه فيك يارب
شفت موضوعك اللي تقولين حسسوني ان عواطف ارهابيه وفطست ضحك عاد خذي وخلي من اللي تشوفينه هنا على قول المثل عش رجباً ترى عجباً 😂

اللي ارسلت لي رسالة خاصة ( حِته من سُكر وذابت ) :
اسمحي لي اكتب لك هنا لعلها توصلك
ترى ما اقدر ارسل خاص ولا ارد عليك خاص لاني عضوه جديدة
لكن انا قلتها لك من قبل واكررها عليك والله مالك أي ذنب ولا علاقه بأي شي لا من قريب ولا بعيد
ويشهد الله علي ان قلبي وخاطري مافيه أي شي سلبي اتجاهك ولا حتى ذره وحده من اللوم بالعكس اللي في خاطري كله ايجابي وامتنان وتقدير ويكفيني كلامك اللطيف اللي مثل البلسم وانا أقدر هذا الشي كثير ومايهمني اللي سووه في موضوعك لانها مجرد صدفه معرضه انه يحصل هذا الشي في مواضيع ثانيه غيرك وانتي مو اول وحده تفتح مثل هذي المواضيع وتخصني بكلام لكن قدر الله وماشاء فعل
وثقي تمام الثقه هذا الشي مو اكبر مشاكلي ويفترض انه كذلك مايكون اكبر مشاكلك ترى اقصاها عضويه ببلاش بدالها عشرين تتسجل خلال ثواني مثل ماتشوفين وسعي صدرك ولا تخلين شي صغير يوقف عقبه بداخلك وترمين اللوم على نفسك وكأنك مسويه جريمه
ياليت ضميرك الحي زياده عن اللزوم تسحبين منه وتوزعينه على اصحاب الضمائر الميته 😂
لعلها تحيى شوي وانتي تخففين جلد لذاتك لانك ماسويتي شي يستحق اللوم بالعكس انتي تستحقين الشكر والتقدير
الله يسعد قلبك ويجبر بخاطرك ويسخر لك خيرة خلقه ويعزك ويعلي شأنك يارب


----

‏‎اللهم امين وياك يارب العالمين ويسعدك ويوفقك ويرفع قدرك بالدنيا والآخرة.
اللي قالت تبيك تنزلين مواضيع وقسم بالله اتمنى ياللللييييييييييت ياليييييييييييت نشوف لك كم موضوع ماراح ينحذف ان شاء الله وحتى لو انحذف بنكون قد قريناه واستفدنا انتي من العضوات المحببه هنا واللي مواضيعها تتأخذ بعين الاعتبار وانتي حطي الموضوع من باب الفايده ان بقى بقى وان راح راح المهم احد لحق وقراه
اتمنى القى لك موضوع والله نبي الفايده ونبي نكتسب ثقافات جديده فكري يا عواطف ولاتخلين اللي صار عائق ويقيدك على طرح كل ماتعرفين عنه وتفيدينا وندعيلك دعوه بظهر الغيب .

ما حصلك شي طبيعي و يمكن كنت متوقع هالشي وراح.... هذه ماهي شماته ولست فكريا ممن يشمت او يقتنص الفرص او يرمي الكلام لمجرد الكلام ورص الحروف..
ما حصلك حصل لي سابق في منتديات وغيرها مما جعلني بجد تغيرت نظرتي للواقع ولن يكون لي لي نظره او راي الا اذا توافق فطرة الدنيا وهي فطرة الاسلام..
مشكلتك مثل مشكلة الكثيرين ومشكلتي سابقا وهي محاولة استخدام الفكر البشري وايصاله للناس ولو كان على غير هدى الله او مخالف له و الاستمانه على ذلك وهذا في فكرنا انه صحيح وحقيقي وكذا ماشي الكون..
أن النبي قال: (مَنِ الْتَمَسَ رِضَى اللَّهِ بِسَخَطِ النَّاسِ، رَضِيَ اللَّهُ عَنْهُ، وَأَرْضَى النَّاسَ عَنْهُ، وَمَنِ الْتَمَسَ رِضَا النَّاسِ بِسَخَطِ اللَّهِ، سَخَطَ اللَّهُ عَلَيْهِ، وَأَسْخَطَ عَلَيْهِ النَّاسَ)
هذا الحديث غير نظرتي للكون وللوقع وللناس وللمجتمع ولكل شي..
صرت اعرف اذا قلت راي او نصيحه او فكر او علم مخالف لشرع الله ان النتيجه ستكون عكس ما اتوقع سياتي اليوم الذي اتعذب فيه بيد من توقعت ان رضيتهم ولم ادري ان الحديث النبوي بلغنا وارشدنا للواقع الحقيقي...
من بحث عن رضا الناس بغضب الله ان النتيجه ستكون غضب الله و غضب الناس وهذا ما نشاهده واقع فالكثير يتكلم عن خدماته وجمايله للناس وماذا فعل لهم ولغيرهم والنتيجه خذلوهم و سحبوا عليهم وازدروهم و تجد غيرهم بحث عن رضا البه وغضب عليه كل الكون وبعد فتره نجد الناس كلهم يحترمونهم...
الحياه اكبر من واقع نعيشه..
نحن نبحر في كون له قوانين وله نواميس وله تدابير وله قواعد لا تتغير...
المنتدى مثله مثل الحياه والحياه كلها قصص و علاقات و من اتبع قواعد الكون وبحث عن رضا الله سيجد رضا الله ثم الناس ولو زعل عليه الناس فتره...
ومن بحث عن رضا الناس بغضب الله سياتي اليوم الذي يغضب عليه الناس بعد غضب الله ولو رضا الناس عليه فتره...


الكلام ليس موجه لك او بسبب موضوعك وانما هو حرك اصابعي لاخط هذا الكلام.

حِته من سُكر وذابت
الله يسعدك .. ابداً ما احس ان اللي حصل عائق بدليل اني سجلت عضويه ثانيه بكل بساطه
واما بخصوص المواضيع نتركها للايام والظروف هي تجي لحالها واذا انحذفت عاد الله المستعان
تسلمين على اهتمامك وذوقك




نون الجماعه :
يا الطيب قبل ياخذك الحماس والرغبه الجامحه في انتهاز الموقف للتعبير عن اللي شايله بخاطرك من شهور
ترى الحظر وضحت سببه الظاهري المعلن لي وللجميع هو ( نشر روابط ) وفصلت فيه بالردود السابقه

اما فيما يتعلق بالتوجهات والميول الفكريه والثقافيهليش لاء ربما فعلاً تكون هي سبب الحظر الحقيقي المبطن وهذا ان دل على شيء يدل على عدم العدل والجهل والقمع وسياسة الرأي الواحد الجامد ومحاولة الاقصاء لكل من يختلف معهم وان الحكم والتعامل بين الناس يخلو من الانصاف وان هوى النفس وميولها هي المحرك وليست القوانين
الله خلقنا مختلفين وحثنا على التفكر والتأمل واستخدام العقل ولم يحثنا على الجمود والتبعية العمياء
ومهما تمت المحاربه والمهاجمه من القله القليله من المخالفين والله لن يتغير شيء إلا بإرادة الله وليس بشحن النفوس احقاد وكراهيه وتنفير وانتقاص بإسم الدين والدين منهم بريء
واللي حصل مع شخصك في مواقع اخرى ليس بالضرورة انه ينطبق علي لان حياتك وتفكيرك ووعيك وثقافتك انت والناس اللي تناقشهم يختلف عني ولا يشبهني ولا يمثلني بل يمثلك انت فقط والرساله لك انت فقط
فرجاءً لا تحاول اسقاط واقعك وتجاربك الشخصيه على الاخرين على اعتبارها حقيقه مقدسه
ومشاهدتك كم رد او كم موضوع لي في موقع هي ليست مقياس حقيقي لتسمح لنفسك بالتقييم والحكم
بل من الاجحاف استخدام اسلوب الانتقائيه والكيل بمكيالين والتصيد للاخرين كمحاوله للانتصار للذات مع تغليفها وشحنها بستار وعاطفة الدين كوسيله للاقناع !
واخر سؤال يستحق التأمل والتفكر واحتفظ بالجواب لنفسك ..
هل أنت انسان كامل معصوم بلا خطيئه ولا زلل ولا هفوه ؟!
وهل يحق لي ولغيري نبذك وتحقيرك وملاحقتك والانتقاص منك في كل محفل ومكان وزمان بس لانك ماتفكر مثل تفكيري ولا تتبع ميولي ورغباتي ومعتقداتي الشخصيه الدينيه الثقافيه ؟!
عموماً كنت تقدر تفتح موضوع جديد وتكتب اللي تبيه بعيداً عن موضوعي طالما انك ماتعني شخصي الكريم فيه .
شكراً