التجمع الـ 50 لمواليد مارس(3) وابريل(4) 2020 💖💙

تيجرس 🌷ايه راح بعد الولادة ب ست شهور تقربيا كنت اسوي حمام مغربي كل شهر
ماشاءالله ملبوس الهناء يارب تحفظها وتجهزي لها وهي عروس
ناديا🌷الله يطمن قلبك ان شاءالله مافيه الا العافيه
الولادة كابوس كل مااحط راسي افكر فيها
هالمرة شايلة هم الانزلاق للغضروفي 😢
وان بولد ب مستشفى ماعرف عنه شي ولا اعرف نظام الولاده فيه
بس اقول ادعي واتوكل ع الله وان شاءالله تكون ولادتي سهله وسريعه وجنيني يكون بصحه وعافيه

يمكن انا عكسكم ، ماحب الافرولات على المواليد يعني ماأكثر منها ابد ،، غير كذا الافرول اللي يجي اصغر مقاس بعد اسبوع مراح يلبسه البيبي و الافرول المقاس العادي يجي كبير عليه بالبدايه ،،
لذلك من تجربي من حملي الاول استفدت كثييييير من نوعية البجايم اللي انتي تطقمينها ، التوب مسكر ازارير من تحت و البنطلون لحاله ،، الشكل كيووووت و يجي مضبوط و ماسك عليه و مايصغر مثل الافرول بسرعه يضيق من الرجول لان المولود يطول في يومين ماشاء الله ،، حملي الاول كثررررت افرولات اخر شي سحبت عليها و لا استخدمتها كثير يادوب اثنين ثلاثه ..

الله يطمن قلبك حبيبتي💗💗

نفس تفكيري
اخدت لها بس ثلاثة افرولات
و اذا احتجت شي بيروح زوجي يجيب من المحل

بالنسبة للولاده،، اول ماحملت حملي الاول الناس هوووولت بالموضوع و كنت شايله هم حملي بالاخير طلع الحمدلله سهل و ميسر و شلت هم القيصري من قرايتي لكلام البنات بالتجمعات حسّيت اني بموت بالعمليه من كثر التهويل و و و ، اوك بعضهم تكتب تجربتها السيئه بس مو لدرجة التهويل و تحكمين ان كل القيصريات يتعبون مثلك ،، اللي كنت اقراه شيب عقلي و تمنيت اولد توأمي طبيعي بس كانوا كلهم مقعديين ،، بس لما جربت القيصري شكرت ربي الف مره صحيح لابد من تعب لكن متوقعه شيء اكبر و اعظم ،، فعلا كل وحده و تجربتها الأجسام مو سوا و تحمل الالم مو سوا ،، بعض البنات قويه و تتحمل و تشوف اللي صار لها رحمه و اجر ،، وبعض البنات تجلس سنين قدام تتكلم عن الالم و كانه امس ،، و حملي هذا نفس الشيء افكر بالولاده الطبيعيه و ودي اجربها خصوصا اني احب اجرب كل شي😶😶 بس يوم اقرا و اسمع اللي حولي اخاف اكثر و اكثر واقول ياربي ليش اقرا وليش اشيل هم سوا قيصري او طبيعي ان شاء الله تكون سهله ميسره ..