التجمع ال44 لحوامل لرابطات عنق الرحم 🎁🤰🏻

باانسبه لي انا صايره احس بضغط تحت مره مره مااتوقع اني بطول نفس احساس لمن تكونين تبين الحمام ان شاء الله يارب اكمل لين عالاقل ادخل ٣٠اسبوع 💔

حملي الاول كان مقعدي وقالت الدكتوره الطفل مايكون مقعدي الا لسبب وغالبا الطفل يحط راسه بالمكان الواسع وفعلا المشيمه كانت نازله ويمكن مضيقه عليه
رحت الحكومي قالولي بنسويلك استداره خارجيه وحددولي موعد ورحت وسويتها وفعلا استدار ونزل راسه تحت
وانا مبسوطه اني بولد طبيعي
واخر التاسع جاني الطلق ورحت اولد
فتح الرحم ١٠ سم الساعه ٩ الصباح المفروض خلاص اني اولد فورا ايش بعد ال١٠ سم
لكن للاسف البيبي مانزل كان محشور او نازل بزاويه غلط او الحبل السري شاده على فوق الله سلمه لي
جلست في مرحله الدفع ٩ ساعات متخيله العذاب!
ادفع ادفع ادفع ٩ ساعات ما نزل
حولوني قيصري بعد ماتعبت
وولدت الحمدلله بس نفسيتي كانت تعبانه ولما ولدت ماكنت ابي اشوف احد ومتضايقه حيل
ندمت اني ماسمعت كلام الدكتوره
كل اللي صار اني خسرت عنق الرحم
بحملي الاول ولدت اخر يوم بالتاسع وماكنت مسويه ربط وكنت اطلع درج ٣ او ٤ مرات باليوم وكنت موظفه واوقف على رجلي يوم كامل وبعد لما ارجع البيت ما ارتاح اطلع السوق والمطاعم واتمشى والبس كعب واحضر حفلات ومناسبات
المخاض الطويل ومرحله الدفع الطويله سببت لي ضرر بالعنق
ولو اني رحت مباشره للعمليه بدون دوشه ماصار اللي صار
الخلاصه من كلامي
العمليه ماهي بشينه ولا هي اخر الحياه
اجراء عادي يحمي الام وطفلها من اي مضاعفات
ومو دايم الولاده الطبيعيه مالها مضاعفات مرات يختنق ويموت الطفل اثناء الولاده الطبيعيه
توكلي على الله واسمعي كلام الدكاتره ولا تسمعي كلام الحريم اللي يقولو جربي واولدي طبيعي
اعرف وحده قالولها عمليه بس اصرت تولد طبيعي واختنق الطفل وجاه نقص اكسجين والدكتوره عصبت عليها قالت لها شفتي اخر عنادك فين وصلنا ودخل طفلها العنايه والان مايمشي ولا يتكلم متأخر بكل شي
انتي عندك تليف وعندك كيس تبغي تخاطري ليش
وتهربي من ايش؟
ايش الشي اللي يستاهل تخاطري فيه بحياة طفلك؟ العمليه؟
العمليه سهله ومو بعبع
على فكره ولدت بعد الاول طبيعي واه بس العمليه كانت بالنسبه لي احسن مليون مره
وانا قلتها قبل لو يشقوني بالطول والعرض اهم شي سلامه وحياة طفلي
اذا مو مقتنعه بكلام الدكتوره روحي اسألي دكتور ثاني وخذي رايه واستفسري عن الاستداره الخارجيه اذا تقدري تسويها مع وجود تليف وكيس
الحمدلله على كل حال
على فكره انا ما اتعاطف مع وحده قررو لها قيصري يمكن لاني مجربه العمليات وعارفه انها سهاله وتمر يارب لك الحمد
اتعاطف كثير مع اي حاله ثانيه تشوه جنين بدون دماغ بدون كلى او اسقاط او اجهااض متكرر او ولادات مبكره اما العمليه احسها اهون المشاكل

هيفاء خليك مرتاحه ولا تبذلي اي مجهود حتى لو تافه وخذي ابره الرئه
وكل يوم يعدي على الطفل وهو بالرحم كل ما زادت فرص بقاءه الضعف متخيله
وكل يوم يعدي قولي الحمدلله احنا عدينا مرحله الخطر
خلاص بلاش توتر ارتاااااحي
بحملي الاول حسيت بكل شي بثقل وطلق وشد والم ظهر ماكنت ادير لها بال كنت بكريه وولدت اخر يوم بالتاسع
الحين عشان احنا مفتحين عيوننا على اي شي نحس بكل شي اوفر
انا حلمت اني ولدت مبكر واني جيت ابي اقول لكم هنا بالتجمع بس خفت تتوترو وقلت هم موسوسين خلقه خليني اسكت وما اقول😂😂 رحمتكم بالحلم😂 وصحيت على رفسه البيبي وفرحت مره انه حلم
اليوم زوجي يقولي تمتعي بايام الحمل يمكن تشتاقي لها بعدين لان مقررين ان هذا اخر طفل ههههههه قلت له مستحيل اشتاق لهالايام

ربي يسهل امورك ياعسل
انا اول طفل مقعدي كمان ومارح يتغير لصحة الطفل ولصحتك عملية افضل
اللهم لك الحمد عملية ولا طبيعي اهم شي طفلنا يكون سليم وحنى وبصحة وعافية يارب

يارب تكملين وتوصلين ٣٦ يارب وانتي وطفلك بصحه وعافيه 🙏🏻🙏🏻