هل زواج الرجل بالثانية يخليه يخسر اولاده؟

{وَوَصَّيْنَا الْإِنسَانَ بِوَالِدَيْهِ حَمَلَتْهُ أُمُّهُ وَهْنًا عَلَىٰ وَهْنٍ وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ(14) وَإِن جَاهَدَاكَ عَلَىٰ أَن تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا ۖ وَصَاحِبْهُمَا فِي الدُّنْيَا مَعْرُوفًا ۖ وَاتَّبِعْ سَبِيلَ مَنْ أَنَابَ إِلَيَّ ۚ ثُمَّ إِلَيَّ مَرْجِعُكُمْ فَأُنَبِّئُكُم بِمَا كُنتُمْ تَعْمَلُونَ} لقمان 15

مممم ابد ابد ما اتمنى يطلقها خذا هذي ولا خذا غيرها
وهو الجنى على نفسه كان مرتااااح تماما ومشغول بمشاريعه بس يابنات الان صار ابوي مشغول جداااااا بشكل ماتتصورون في اليوم الواحد يروح لهذي وذيك
وداعا لمطعم يجي لامي ويوديها نفس الشي
صار حقوق اولاده مافيه صح احنا تزوجنا بس باقي اخواني الثلاث بالبيت ما عاد لهم نصيب من قسمة ابوي
ابوي زار اختي وقفة عند الباب ماعمره سواها بحياته
صح امي خذت من ابوي كل شي تتمناه نفقة ابوي ارتتتتفعت جدا بعد ما كان مايعطيها ولا ريال واذا عطاها قال هذي لك ولمصاريف البيت 1000 ماتسوي شي ابدااا لعايله من 4 أشخاص من غير عيالها المتزوجين اذا جاو ومن غير ضيوفها اذا تبي تعزمهم
الحين خذت اضعافها5 مرات ،.
بس صار مشغوووول عن اولاده
في البداية حسينا امي تأقلمت مع الوضع (وجود زوجة ثانية) وتطمنا وارتحنا لكن صرنا هالايام نشوفها خاطرها رجع يتكدر كثيرررر منعت ناس كثير يدخلون بيتها مثل حريم اخواني وزوجات اعمامي فيما لو طبوا بيت الثانية ..
حطت قوانين صارمة بالبيت ..
صارت ماتعطي اخواني الذكور اهمية بحياتها وكأنهم مو اولادها وترفع صوتها عليهم و تجبرهم ب امور .. صح امهم لكن بيكون سبب لنفورهم من امي .. ماقصروا على قد راتبهم قطوا في طقم ذهب فرحت فيه امي كثيررر
لكن صارت ماتشوف فئة الذكور شي في حياتها ..
مادري ايش اقول بس كثير اشياء ببالي ..
مثل كانت اجتماعية تماما وتنادي وتعزم وتجمع الناس ببيتها واذا جاو ضيوف ببيتي هي تجي قبلهم وتفرح الحين لا تدخل الغرفة وتتزين وكل ما تبي تخرج ل تسلم عليهم ترجع للمراية تشوف نفسها واحس كأنها داااافه وساحبة نفسها سحب .. يعني احس متخوفة من كلام الناس لها و ماصار عندها ثقة باللي حولها وبنفسها ..
احبها وادعي لها دايما لكن ابوي جرحها جرح كبيررررر بعد ما كان 5 سنوات تنام بغرفة نومها لحالها وبيتها محطة واستراحة لابوي بعد العمل الشاق يرتاح 3 ساعات نوم ويروح للمطار يكمل مشاويره وصلة الارحام
ونسى ان وراه اهم رحم واعز رحم .. جازاها ب اسوء جزاه زوجة ثانية ..
على الكسر اللي فيها من اول كسرها بهالزوجة الدخيلة ..
طبعاز هالزوجة الثانية اشترطت امي على ابوي ما تطب الحي اللي فيه بيت امي وباب بيت امي خط احمر لها ولخواتك واي وحدة تزور الثانية ..
ومناسباتنا خط احمممر لها
ووو امور كثيرة ابوي اكيد وافق عليها بس مالهم امان يكسر العهد اللي بينهم وترجع امي تنكسر اكثر .

لاأقول سوى ربنا يربط على قلبها أكيد الأمر مو هين أشغلوها واجعلوها تحضر مجالس ذكر

الحممدلله من فترة وهي مشتركة في نادي رياضي و في حلقة حفظ ❤️

عندي رد كنت مترددة اكتبه أو لا ...لأني مااحب أجرح أحد
لكن بكتبه واتمنى يُفهم تساؤلي كما أعني ..فقط
أحياناً يحدث أن تكون الزوجه مكمله ومهتمه بنفسها ..ومربية فاضله ..
وزوجه معطاءة ..قايمه بواجباتها الظاهرة كمايجب ..وهو باخل عليها وباين تقصيرة ..وهي ماتبين للناس هالجانب

يتزوج عليها الزوج ..أخرى
عااادية جداً ..جداً
ويتكلف رضاوة تكسر رصيدة ..وتصرف ببذخ وتصير ماديه بعنف وتخطط لليوم ولبكرة وهو خارج مخططاتها تماااماً
وتحط شروط ...وتتغير ...وتنقلب أمور البيت فوق تحت وبعد ماكان متوج ومبجل ..يصير شي مؤجل ..
لك وقتك اللي تجي فيه غيرة لا.. لاتشاورة ولا تبحث عنه ومشغوله
زي هالزوج ايش استفاد ظاهرياً هو كسرها بس بالحقيقه هو اللي انكسر يعني كانت تتمنى تشوفه مبتسم صار هو يتمنى بس ترضى وتتماسك
ايش استفاد الثانية إنسانه عادية مازادت له بحياته شي ..لاتقولون ايش دراك ..نشوف ونسمع
والأولى ألغت جميع خدماتها وتركته في حياتها بدون مميزات
وياويله يقصر أو يغلط
ولأنها تكررت أمامي هالحاله تسائلت