التجمع ال44 لحوامل لرابطات عنق الرحم 🎁🤰🏻

الدكتور قال اوقفهم من الاسبوع 20 الحبوب والتحاميل واستمر على الابر بس ما بوقفهم😌 لين اخلص السابع

انا قلت رايي من قبل
اشوفكم تاخذو كميه هرمون كبيره ابر وتحاميل وحبوب وهي تبقى هرمونات
الادويه الهرمونيه من اخطر الادويه اللي لازم ناخذها بحذر وبكميه مناسبه اشوف بعضكم ياخذو مره كثير
والابر ماتاخذون ام ٢٥٠ الا ٥٠٠
والتحاميل مو ١٠٠ الا تاخذون ٤٠٠
والحبوب ماتاخذون حبتين تاخذون اربعه وسته لييييش!
مافي شي اذا مانفع ماضر
حتى المويه اذا زادت عن حدها تضر
في حملي الاخير كنت اخذ بس ابره وحده بالاسبوع ٢٥٠ مع العلم ان حملي كان حرج بقوه وانفتح عندي الرحم ونزلت السداده وسولي ربط مستعجل نهاية الخامس ومع هذا كنت اخذ ابره وحده بالاسبوع ٢٥٠ ونهايه السابع وقفتها تماما واستمر حملي ولا نزل ولا اجهضت ولا يحزنون وكنت وقتها موظفه واطلع وانزل وامشي واوقف كثير
في حملي هذا لان الربط صار بدري على الاسبوع ١٣ قبل ينفتح الرحم قال لي الدكتور اخذ دوفاستون بس اسبوعين بعد الربط واوقفه ولاني خفت وكنت موسوسه ومالقيت الابر بالصيدليات صرت اخذ تحميلتين ٤٠٠ باليوم وبعدين قللت وصرت ٢٠٠ وبعدين خليتها تحميله وحده باليوم فقططططط وهذا وانا موسوسه لو مو موسوسه ما اخذت شي اصلا
بس قبل اسبوع جاني مغص والدكتور قال ارجعي على ثنتين الين يستقر الوضع والمغص جاني يوم وراح شكله طلق كاذب والان رجعت على تحميله وحده
وقاعده اخفف منها بالتدريج لاني خلاص دخلت الاسبوع ٣٠ وناويه اقطعها بالمره بس بالتدريج
وكلامي هذا موجه للي يقرون وهم في اول حملهم لا تاخذون كميه كبيره زي كذا على الاقل سوو تحليل هرمون البروجسترون شوفو جسمكم فيه كفايه او لا
في امريكا يسوو تحليل هرمون البروجسترون تحليل روتيني في اول الحمل
اللي ناقص عندها يعوضوها واللي مو ناقص مايعطوها
واذكر دكتور مره قال لي الدماغ البشري ذكي جدا جدا فوق مانتخيل
قال الجسم يفرز الهرمونات بمعدل احتياجه
اذا في نقص احنا ناخذ الهرمون الدوائي ونعوض هذا النقص
اما اذا اخذنا الهرمون ومافي نقص بالاساس ايش يسوي الجسم؟ يروح يقلل كميه انتاجه لانه حس ان في زياده بالجسم
اما اذا الزياده مهوله مايقدر يسيطر عليها الدماغ مدري ايش اعراضها الصراحه
واكبر دليل على كلامي هرمون الحليب
اذا رضعتي طفلك الدماغ يحس ان صدرك فضي فينتج هرمون زياده وكل ما زادت رضاعه طفلك كل ما زاد انتاجك
اذا قطعتي الرضاعه عن طفلك الدماغ برضو يحس ان حليبك مازال موجود يعني مو محتاجه زياده فيوقف انتاج او يقلل حسب رضاعه طفلك
اذا طفلك يرضع كثير صدرك يدر اكثر
واذا يرضع قليل يدر اقل
وقيسي عليه كل الهرمونات في الجسم
الدماغ ذكي جدا
وانا قلت لكم من قبل دراسه وهي مازالت دراسه
ان زياده هرمون البروجسترون وتعريض الجنين لكميه اكبر مما يحتاجه ممكن يخلي عنده مشاكل جنسيه مستقبلا
ممكن يصير شاذ اذا كان ذكر يكون دماغه انثوي لكن تكوينه ذكر ويميل لنفس الجنس والبنت كمان
هرمون البروجسترون صح يفرزه الجسم بس مو معناته طيحي فيه كأنه حلاوه ابر وتحاميل وحبوب ولو في عصير كان شربتوه بعد
وترا مو كل الدكاتره يفهمون
الدكتور الحقيقي مايوصف هذي المسخره
نفس الدكتور اللي تجيه مزكمه يعطيك مضاد حيوي الان صارو يحذرون من استخدام المضادات بلا سبب
ولا بعض الدكاتره يوصفونها زي الحلاوه

صباح الخير
كيفكم بنات انا متابعه لكم بس ماشاركت معاكم
انا ثاني مره اسوي ربط والحين بالاسبوع ٣٤ وموعدي لفك الربط نهاية الاسبوع ٣٧ والمستشفى حكومي مايعطون بنج موضعي ربطي الاول تعذبت فكولي الربط بدون تخدير وانهرت من الالم والخوف والمشكله نسيو غرزه مافكوها طبعا اكتشفها زوجي لانه صار جماع وقال لي فيه شي زي الدبوس وعرفت انه من الربط ورجعت لهم وفكوها وتعذبت 😩 الحين ابغى اعرف فيه احد منكم فك الربط بتخدير موضعي وكيف طريقته اللي عندها معلومه تقول لي ربي يسعدكم ويفرج همكم

كلامك صحيح
انا الدكتور قال اخد حبه تحميله وحده بالليل
بس انا الحمد لله وقفت كل المثبتات من شهر
اشوف وضعي الللهم لك الحمد مستقر و عنق الرحم طوله حلو
وانا عاده اربط في حملي وماااخد ولا حبه مثبت
بس هذا الحمل عشانه حقن و بدا بنزف و توئم اخدت المثبتات
اذا الحاله معها نزيف او انقباضات ابقوا عليها بس الي يقول لها طبيبها وقفيها و وضعها مستقر مايلزمها تاخدها و هذا رايي بعد و الله علينا و عليكم خير حافظ
استودعوا انفسكم البارئ و اتكلوا ع رب العالمين
الله يتمم علينا و عليكم

لاسف انا موقف عندي الدم ٣ ايام
ومفروض موعد الابره السبت وترددت اخذها
والدكتوره المناوبه قالت لي دامه وقف لاتاخذينها
بس سالت استشاري وقالي افضل تستمرين عليها حتى لو وقف الدم وزوجي قالي لاتاخذينها دام وضعك صار افضل من قبل
وسبحان الله اخذتها العصر امس الاحد وانا مافيني دم ٣ ايام ورجع لي الدم الليل وصحيت الحين الصباح فيني تقلصات زي احد يدخل يده جوا بطني ويفكه، و رجع الدم الله يعدي هاليومين على خير اذا زي كذا دم كل مامسحت وغامق كيفه ان شاءالله اهون بس ياخوفي يرجع النزيف وااقطع اللي يصب ماحب اشوفه يخوفني 😭
الله يارب يستر علي