مواصفات هذا الزوج هل تستمرين معه أو لا

انت اللي تقرري حسب قوة صبرك
لاتظلمي نفسك عشان الرجال كريم ومحترم ورومنسي
والله لو انت اللي مالك رغبه بالجنس ماصبر عليك يوم لو فيك كل الميزات اللي يتمناها كل رجال

ان ما خانتني الذااكرة المشكلة نزلت قبل كذا وأعتقد عمرها في اول الثلاثين تحديدا ٣٢ سنة بالكثير ٣٥.. وعندها طفل واحد
الموضوع هذا ماحد يقدر يبت فيه غير صاحبة الشأن
والله يختي العلاقة شي مهم للبعض والبعض لا وخصوصا عند الرغبة بالأطفال ٣٢ مو كبيرة البعض ما تزوج حتى، فلو لها رغبة كأنثى ورغبة بالاطفال وهذا من حقها تحاول معاه يتعالج ولو يأست تطلق منه وتحسن الظن بالله وتسأل الله العوض
ما تقول يمكن ماحد يجيني ممكن وممكن ليش تتوقعون الشر دائما!
خصوصا لو عندها وظيفة يعني ما ينقصها شي، وجوده فقط واجهة اجتماعية ويمنع عنها النصيب!
واللي تقول كيف تشبع رغبتها بعدين اذا تطلقت !
مره تفرق وجود المرأة بجانب زوجها حلالها رايح جايي أمامها
وعلى فراش واحد، غير عن المرأة اللي تأوي إلى فراشها لوحدها
طبيعي جدا الوحيدة تفكيرها في ذاك الموضوع يقل و تصرف تفكيرها بسهولة أكثر من المتزوجة اللي زوجها موجود.
لا تلومي نفسك الرومانسيه ماتفيد في ذي الحالة وكرمه ما يكفي
لازم التفكير بموضوعية والبقاء معه فقط عشان يمكن مايجيها أحد ماهو حل واقعي

الله يكون بعونك .بس اذا ما عنده غيرك يعني ما عنده زوجه آخرى اصبري وادعي الله ان يقربه منك .لان هذي مشكله بالنسبة لك واضح وإلا ما كان طلبتي المشورة.

ماقلت تطلق هذا هي اللي تقرر
وهو رافض وخيرها ترضى بقراره او تروح لاهلها لو يتعالج عادي
ردي على اللي يقولون دام يحترمك ويحبك خلاص مو لازم علاقه
لو العكس هي رافضه كان شفتي الردود غير ليش جالسه معه دامك حارمته من حقه وكلام غير
لكن دام البنت اللي تطلب لا مايحق لها تاكل هواء وتسكت

طيب هل كل مابادرتي تجاوب معك؟!اذا كان يتجاوب نقول شي اهون من شي اطلبي وقت ماودك اما اذا كان يرفض ويتعذر مدري والله طيب يمكن يكون يمارس العاده بعضهم للاسف يرجع عليها لاي سبب وخلاص يستمر عليها موضوعك ماهو سهل وشي صعب للمراءه جدا جدا لكن الدعاء والمحاولات لحل المشكله والله يفرجها من عنده يارب ويرزقك بالذريه الصالحه ويصلح حالنا وحالكم يارب