السلام عليكم ..
اهل الرياض الله يسعدكم ..
مااعرف شي بالرياض ..
واهلي محد منهم هنا يساعدوني....وجيراني للاسف ماهم حقين جيره هم بيتين بس للاسف ماهم حقين تواصل ....الله يسامحهم
السالفه ..
قرروا لي عمليه مفاجئه استئصال ورم ضخم بغدة الجاردرقيه وباقي مايدرون من اي نوع هو .... لكم ان تتخيلوا صدمتي بين المرض وحاجتي لوجود اهلي البعيدين جدا عن المنطقه ..... نفسيتي الحمدلله على كل حال ..
طبعا .. مااعرف شي عن العمليه بس يارب اقوم بالسلامه ..
ماحد بيتنوم معاي .. امي مريضه والسفر مو زين لصحتها ابدا
ولا اعرف اذا رجعت البيت ان شاء الله اذا كتب الله لي عمر بعد العمليه .... مين ينتبه لي ..
زوجي رفضووووا الاجازه له .. ولاحول ولاقوة الا بالله
قلت مالها الا الله ثم ابي من الاسر المنتجه يوفرون لي وجبات تتناسب مع حالتي ان شاء الله ..
اعطوني ارقام تكفون ... انا ساكنه بحي قريب من لبن
وابي عامله منزليه تنظف وتخدمني على قد مرضي ....
المتخلفات اخاف منهم
واللي بالساعات مايصلحون لاني بحاجه لها طول اليوم ..تساعدني بالقومه والقعده وووو لان الدكتور قال لي بتعانين من رجولك شوي بعد العمليه بس بإذن الله تضبط امورك مع الوقت ....
ماادري شالسواة
مالي احد هنا دلوني ع اسر منتجه اسعارهم مقبوله
وعلى خادمه طيبه محترمه بسعر معقول .... المتخلفات لقيتهم ب 1800😫
تكفون افزعوا لي ودلوني والله اني بحاااااااجه شديده لهم
او اعطوني اقتراحات تساعدني ......
الله يكتب اجركم ويجزاكم الجنننننه ..
شاركي في النقاش
سجلي الدخول لإضافة تعليق.
التعليقات
10- نصيحه اختي اذا ماديتكم زينه خوذي شغاله آجار من احد الشركات خوذيها شهر كامل تنام عندك وتصير تطبخ لك بعد يعني اثنين في واحد ويبي يسهل الله عليك الموضوع والحمد لله زوجك بعد مايطلع من الدوام يصير بجنبك وشدة وتزول ان شاء الله لكن انتبهي تاخذين من هالمخالفاات ترا عليك غرامه كبيره ان انكشفتي وايضا هن مشاكلهن مررره كثيره
مره وحده اخذت شغاله مخالفه وجاها نزيف وهي عندها والمستشفى رفضوا يعالجوها وصاروا يبي يكلمون الشرطه لانها طلعت حامل الشغاله وصارت مشاكل هي بغنى عنها كبتشينوا نصيحه اختي اذا ماديتكم زينه خوذي شغاله آجار من احد الشركات خوذيها شهر كامل تنام عندك وتصير تطبخ لك بعد يعني اثنين في واحد ويبي يسهل الله عليك الموضوع والحمد لله زوجك بعد مايطلع من الدوام يصير بجنبك وشدة وتزول ان شاء الله لكن انتبهي تاخذين …
الله يسعدك انا اخاف من المتخلفات اصلا
طيب كم اسعار اللي بالمكاتب مااعرف شي عنهم ....ابيها عااااجل خلال اسبوعين ان شاء الله .....يوفرونها ؟؟؟؟مجروووحه2017 الله يسعدك انا اخاف من المتخلفات اصلا طيب كم اسعار اللي بالمكاتب مااعرف شي عنهم ....ابيها عااااجل خلال اسبوعين ان شاء الله .....يوفرونها ؟؟؟؟
ايه يوفرونها لو تبنها بكرا عادي لكن اسعارهم حسب جنسية الشغاله وحسب الشركه
انا جربت اسأل شركة عندنا بالقصيم صارت الفلبينيه ٣٢٠٠
انت كلمي كل الشركات اللي عندكم بالرياض وشوفي الاسعار واحيانا يصير عندهم عروض ممتازه دوري عليهم كلهم وشوفي اسعارهم- الله يشفيك
مجروووحه2017 الله يسعدك انا اخاف من المتخلفات اصلا طيب كم اسعار اللي بالمكاتب مااعرف شي عنهم ....ابيها عااااجل خلال اسبوعين ان شاء الله .....يوفرونها ؟؟؟؟
بالشهر ٣ الاف اندونيسيات وبعضهم يعرفون يطبخون ويساعدونك زي الممرضات.
جيبيهم اسم مكتبهم مهارة.
ولا عندك مستشفى الحبيب يأجر ممرضات باليوم او الشهر.
مواضيع مشابهة
تابعي تجارب أخرى من هذا القسم.