لو انتو مكاني تطلبون الانفصال ؟

ايوه بضبط انا يجلس بالاسابيع وصدق اطفش انا وحده مهتمه وعاطفيه وحنونه لاابعد درجه ماودي اروح للحرام والعياذ بالله ع انه يطالع بنات بسناب رقص وكذا وجيته برقص ودلع ولا همه ويطنش يعني سويت كل شي واخاف اتطلق واحط يدي ع خدي محد يخطبني💔🚶🏻‍♀️
اه بس الله يعين

لا لو مكانك ماطلبت الانفصال
بحاول اغير فيه مع الوقت بيتغير ان شاءالله
ضميه انتي و سوي اي شي تحبينه معاه شوي شوي يصير يتعود ع هالشي اجذبيه بالهداااوه مو بالغصب
+الدعاء + سورة البقره
الله يسخره لك ويفرج همك

السلام عليكم ورحمة الله وبركاته
يااختي الغاليه لو تطلقتي هل تضمنين تلاقين الزوج ؟ واذا لقيتيه هل تضمنين الحب والقبلات؟


هل هذا يساوي عندك اطفالك؟؟ وعيشتهم مشتتين بينك وبين ابوهم؟


جاوبي هالاسئله بينك وبين نفسك؟


يااختي البيوت قائمه على الصبر والستر ،، مو على الضم والقبلات!!


كثري من صيام التطوع وتقربي لله تعالى بالنوافل واشتركي في نادي رياضي وسجلي في مركز تحفيظ واشغلي وقتك فيما ينفعك في الدنيا والاخره،،


الله يملأ قلبك رضا وعفة وستر يارب🌺ويسخر لك زوجك ويحفظ اطفالك من كل شر


مابين طرفة عين وانتباهتها يغير الله من حال الى حال..


الله معك 🌺

حبيبتي هذا الشي من حقك .. فإذا كنت تستحين تناقشينه في ذا الموضوع جربي ترسلين له فديو يوضح حقوق الزوجة لعلى وعسى تطلعي بنتيجه

انا أميل لرأي عدم الانفصال
لان زوجك فيه ايجابيات ربما تطغى على السلبيات وانتي ادرى فيه
ولان عندك اطفال يعني قرار الطلاق مو بس لك انتي راح يشمل حتى الاطفال وتتغير حياتهم 180 درجه
ولان طلاقك لغرض العاطفه والفراش وربما هذي الاشياء ماتلاقينها بعد طلاقك وحتى اذا فرضنا جاء لك نصيب غالباً بيكون مقسوم نصين لك ولغيرك او مافي أي ضمان انه يعطيك مستوى الاكتفاء والاشباع اللي انتي تبحثين عنه
يعني الافضل انك تكلمين زوجك عن حاجتك العاطفيه وتشرحين له وش كثر يهمك هذا الشي
واذا هو يشوف انها امور غير مهمه حسب اللي فهمته من كلامك انك سبق كلمتيه
طبقي النصيحه اللي سمعتها من احد الاخصائيين يقول بدال ماتتشكين من قلة العاطفه وبرود الزوج
ببساطه انتي بادري باللي خاطرك فيه روحي تحرشي فيه لملميه واحضنيه وبوسيه وغازليه براحتك
حتى وان اعترض واستنكر ماعليك منه وخذيها بمزح ومره على مره ان شاء الله ينكسر الحاجز اللي هو حاطه بينكم
واذا قال كبرنا قولي له بس انا ماكبرت
لا تاخذين الامور بجديه وحساسيه زايده لان اصلاح حياتك وترميمها يحتاج منك حيله وطولة بال
خاصة ان زوجك نوعيته فيها انانيه حبتين فلازم انتي تتعاملين مع هذي الانانيه بطريقتك
لان الطلاق ابداً مو حل لمثل هذي المشاكل