الحكيمه وقوية الشخصيه تدخل للضروره

انتي من جدك تنتظرين موافقة اهلك ؟!! مالهم دخل ومو هم اللي عايشين هالعيشه المعفنه مع زوج متخلف ومريض عساهم مارضوا مو لازم
اول شي ليه ماصورتي واثبتي عليه عشان يكون كل شي لصالحك ع طول ؟؟!! وشوفي اذا عندك اي دليل قدميه لهم واي شي يسويلك او يسوي لاولادك هالفتره اشتكي عليه للشرطه يربونه ويصير عندك بلاغ
الحين خذي موعد ادخلي ع موقع المحكمه اتوقع وروحي وقولي كل شي للقاضي وباذن الله يخلعك من اول جلسه وبعدها اطلبي قضية حضانه لاولادك كلهم
وبعدها نفقه ضرووووري ولا تتنازلين لا عن حقوقك ولا حقوق اولادك حتى لو انه مريض نفسي اهله يتحملون كل شي ماحد قالهم يزوجون ولدهم وهو مريض !!

طفلك الي انحرق يقدر يشهد في المحكمه
قضيتك بسيطه بإذن الله وكلي محامي/ه انتي في بيتك تخلص موضوعك
وضروري تبلغي على الحروق و التعنيف علشان ينحرم من الحضانة والزيارة وتسقط ولايتة على القاصر
لو ما بلغتي وانكشفت حالة اطفالك انتي راح تحاسبين رسميا بسبب الاهمال

القاضي رجل و المحكمه كلها رجال مهو عذر ماتكلمين رجال


انا ما ودي اقسى عليك لكن انتي شريكة معه يحرقهم وعيالك عقلهم راح وانتي ساكتة


و عيالك ماراح ينسون ولا عمرهم بيكونوا اسوياء
كل مجرم/ه مدن/ه قاتل/ه تاريخ طفولته تعنيف واهمال من الام


السكوت علامة الرضى لاتسكتين

وش ينسون؟؟؟؟ همك الناس بس وعيالك عادي يتعذبون ؟؟؟ اهم شي الناس مايعرفون سواد وجه ابوهم؟؟؟؟
اقسم بالله مع احترامي لك انك متخلفه غيرك ماتخلي احد يمس شعره من عيالها حتى لو ابوهم وانتِ عادي عندك يخنقهم يحرقهم يقطع قلوبهم في البر والظلام عادي عادي مصيرهم ينسون!!!

خافي الله تراك ماانت قد مسؤولية الامومه اب مريض نفسي ماعليه شرهه وام بلاعقل همها فسخ النكاح وبس..مساكين عيالك طاحوا بأم بايعتهم همها كلام الناس.. لعلمك اذا استمر هذا الشي توقعي لابد تصير حاجتين الاولى تسمعين بخبر وفاة واحد من عيالك على يد زوجك والثانيه ان سلموا راح يكبرون معقدين ومرضى نفسيين زي ابوهم لاتقولين راح ينسون والله ماينسون العذاب اللي عايشينه وراح يأثر في شخصياتهم واذا كبروا بيدعون عليك انك ماكنتِ تتصرفين وتحمينهم..

الصدق نفسي أبلغ عليك في حقوق الانسان زوجك مريض ماعليه ملامه لكن انتِ اللي مسلمه اطفالك للمريض انتِ مشتركه في تعذيبهم..

السلام عليكم ورحمة الله وبركاته حبيبتي انتي شوه يالسه تتنتظرين خايفه من كلام الناس وما تقدرين تروحين الشرطه وأدورين حل في المحاكم وبتنتظرين لين القاضي يحكم و عيالج شوه وضعهم لين تخلصين محاكم حرام عليج قوي قلبج لا تسكتين عن حق عيالج مالهم ذنب يعشون هالوضع على ضرب وتعذيب أنتي ألحين المسؤله عنهم اول شي وقفي فيه ويهه إذا ياج بيشل عياله قوليله مالك عيال عندي و أذا حاول يسوي مشكله اتصلي على الشرطه وقوليلهم يريد يشلهم يعذبهم ولا تخلينه يشلهم لو شوه ماصار حتى لو تشلين عيالج وتروحين مكان مايعرفه إلين تخلصين موضوعج في المحكمه والله لو يصير علي حد من عيالج شي ما تسامحين عمرج لين يوم الدين خليج قويه شجاعه لا تخافين منه هوه يشوفج تخافين منه فايسوي اللي يسويه بس إذا شافج قويه والله يحسبلج ألف حساب ودايما رددي لاحول ولا قوة إلا بالله قسم بالله قلبي تقطع على عيالج