ابي شوركم ونصيحتكم

السلام عليكم خواتي ،
انا صار لي سنه وزود متزوجه وعمري ٣٨ سنة وما حملت الدكتورة كتبت لي ثلاث مرات كلوميد وابر تفجيريه وبعد ما الله كتب احمل ، الحين قالت لان عمري ٣٨ قالت لازم نسوي تلقيح ،
فقبل التلقيح طلبت فحوصات دم والحمدلله أمورنا طيبه بس يوم فحصتني شافت ان طلع لي كيس كبير ماي فقالت مايصير لازم ينزل الكيس وكتبت لي حبوب منع الحمل لازم اخذه ٣ شهور وعقب شهر نزلت الدورة ورحت لها مازال الكيس مانزل فقالت استعمله شهرين وان ما نزل راح تسوي لي عملية تسحبه ، لانها قالت ان ما يصير نسوي تلقيح وفيني هذا الكيس اللي تكون فيني من حبوب الكلوميد ،
خواتي انا باجر موعدي مع الدكتورة وان شاء الله الكيس يكون نزل لان الدورة اعتفست عندي ذاك الشهر ياتني ٤ ايام وهالشهر اكثر من عشرة ايام والدم خفيف وايد ، بس والله احاتي واحاتي التلقيح الصناعي واحاتي لان فيني سكري النوع الثاني واستعمل ابرة انسولين ، طمنوني هل اسوي تلقيح او اروح على اطفال الانابيب الدكتورة قالت اول شي تلقيح وان مانفع بعدين انابيب ، طمنوني الله يريح بالكم ويرزقكم الذرية ،،


مشكوووووورين وجزاكم الله خير ..