التجمع (١٤٠)للمقبلات على عمليات أطفال الأنابيب والحقن المجهري

الف مبروك للحوامل وربي يتمم عليهم 💜💜💜
وخواتي اللي فشلت عميلتهم اسال الله العظيم رب العرش العظيم ان يعوضكم خير ويصبركم ويجبركم جبر يليق بكرمه وجوده 💜💜💜💜

😁ماادري بالضبط تصدقين بتاكد من الورق اللي اعطاني الدكتور عندي بالبيت

الله يبارك فيكم جميعاً ،، و يرزقكم الذرية الصالحة ولا يضيع لكم تعب ،،




نسبة الحمل امس كانت ١٠٣ ،، احسها قليلة والا ؟
الترجيع كان يوم ١٣ / ٥ ..


بالنسبة للي سويته بعد العملية ماسويت شي ولاتغير بنظامي اي شي.. 🤭


بعد السحب طلعت لمخيم مع اهلي ونمنا هناك ليلتين ،،


طبعاً كان الم يوووجع اذا تحركت 😭😭😭.. بس ماخبرت احد من اهلي عن العملية وماابي يعرفون ..


ولاعمري تخلفت عنهم باجتماعاتهم ..


طبعاً مع الالتزام التام بالادوية اللي عطوني ( مسكن وجل للتثبيت )


وكلما صليت حطيت يدي على بطني وقريت الفاتحة ،،


يوم الترجيع نمت على السرير بالمستشفى ساعة ونص ،، لانها وافقت استراحة الاطباء الظهر ،،
الطبيب قال مارسي حياتك طبيعي وسيبك من كلام النت وتروشي واطلعي درج نامي على بطنك وجنبك عاادي .. كل شي عادي الا الاجهاد الشديد والجماع وحمل الثقيل ..
يقول ان حركة الدورة الدموية تساعد على وصول الدم للرحم ،،والخمول والكسل يعطل الدورة الدموية




وطلعت من المستشفى على المخيم .. 😶


واكل عادي حلويات وعشاء ولحم ودجاج ،،🥰


والعلاج ( دوفاستون ٤ حبات باليوم وجل التثبيت واسبرين وحمض الفوليك)


واستمريت على الرقية كل ماتذكرت واذا جيت انام .. حطيت يدي على بطني وقريت الفاتحة ،،


الفوليك كنت اخذه من اول يوم تنشيط ،، قبل يصرفه الدكتور ..
قبل العملية بشهرين اخذت انا وزوجي فيتامينات طلبتها من اي هيرب ،،


باجيب لكم روابطها ..
عندي كسل بسيط بالغدة الجرعة اللي اخذها ٥٠ ..
وزوجي عنده قلة بالعدد وتشوهات وقلة حركة وهذا سبب العملية لانه مايتحسن بالعلاجات ،،




يعني اعتقد ان السبب الأول لنجاح العملية نفسيتك تكون مرتاحة ..


انا الايام اللي بالطلعات والوناسة انسى اساساً اني مسوية شي،،


والايام اللي جلستها ببيتي مرتاحة بس افكر ،، ونزل علي دم مع الراحة التامة 🤭
و هذا شكله يوجعني وهذا مااحس فيه .. فحاولي وقت العملية تسلين نفسك ..


وفالكم النفسية الزينة ❣️❣️

حبيبتي ربي يتمم لك على خير

بأي يوم عملتي التحليل ؟

الله يوفقك ويتمم عليك بالخير والعافيه وربي يفرح قلبك بالحمل التام