التباشير الثالث عشر لمواليد يناير وفبراير 2020🤱🏻💐💙💗

هذا جاني كثير
ورحت ٣ مستشفيات
وقالوا طبيعي مع الحمل وبعد الحمل بيستمر معك اول الشهور
بسبب تمدد الرحم يضغط على المناطق اللي فوق

مساء الخير 💛
الحمدلله حمداً كثيراً اللي فرج لي و خارجني بالسلامه 🙏🏻💗
و عقبالكم كلكم و الله يبارك فيكم وحده وحده ..
اكشني الله لا يذوقه احد
تعبت غير ولاداتي اللي قبل الله لا يحرمني الأجر
من امس الظهر صحيت على طلق خفيف و نزلت علي السداده كانت تنزل من الساعه ١٢ الظهر الى ٣ العصر و وقف الطلق بعد م تروشت بمويا دافيه
مر المغرب و العشاء تمام و توقعت انها طلق كاذب بس اللي مستغربه منه الإفرازات كيف تنزل مع طلق كاذب
بعد العشاء بساعه رجع لي الطلق من جديد كل ٢٠ دقيقه و مرات الوقت يزيد و مرات ينقص و صبرت على نفسي ولا بينت لاحد ولا نمت طول الليل
كل ماله يشد و يتقارب و بنتي صاحيه تسألني اقول لها ولا شي تعبانه شوي م علمتها الا يوم طلعنا من البيت
صار على الساعه ٥ و ٦ الفجر منتظم كل ١٠ دقايق و رجعت الإفرازات تنزل بشكل اكثر
صحيت زوجي و خليت عيالي مع أخوهم م راحوا المدرسه
وصلت المستشفى على ٧:٣٠ و كشفت بنفخ و نفس شينه و قالت ٥ سانتي روحي سوي تخطيط و خلي زوجك يسوي لك أوراق الدخول
سويت التخطيط كان فيه طلق و دفع قوي و النبض يروح
رجعت كشفت قالت ٧ سانتي و على طول تطلعني فوق ولاده
دخلت غرفه الولاده و غيرت ملابسي و في دفع قوي طلبتها مسكن قالت م ينفع على ٧ سانتي عشان شوي و تدفعين لازم تحسين بالدفع لو ٣ او ٤ نعطيك
كشفت باقي ٧ سانتي و حطت لي طلق صناعي بالوريد و فكت المويا و صار الطلق أقوى و اسرع و الدفع يزيد و كلهم طلعوا من عندي شوي و أصيح فيهم و تجي الدكتوره تقول خلاص الرأس قريب دفي
دفيت كثييير و تعبت و طاقتي راحت و النبض في التخطيط جالس ينقص و البنوته بدأت تتعب
و بعد كم محاوله دفع متواصل الحمدلله طلعت
و جلست يمكن ربع ساعه و تقول يالله نطلع المشيمه و من هذي اللحظه بدا العذاب
كانت تسحب المشيمه و تضغط على بطني بقوه و يرجع الطلق من جديد و شكل المشيمه تقطعت م طلعت كامله و كل شوي تدخل يدها و تسحب و كل شوي تجيب شاش و تمسح الين تقطعت من جوا
م سوت لي توسيع بس البنت وسعت و خيطتني من جوا و برا و في جرح مسبب لي نزيف مو راضي يتخيط عشان (((الالتهابات )))مع اني عالجتها
انتبهوا منها اللي باقي م ولدت تتعالج لا يصير لها نفسي
كل م خيطته تقطع معها الجلد الداخلي تقول صار ضعيف من الالتهابات
و بسببها جلست ٣ او ٤ ساعات رايحه جايه تنظف بالشاش و م وقف النزيف و حطت كماده ثلج و باقي
اخر شي نادت دكتوره ثانيه و جت حطت لي جل يوقف النزيف في شاش و دخلته مررره جوا و يعور لان المكان خلاص صار مجروح من كثر م شيكوا على النزيف و ركبت قسطره تقول عشان صعبه روحه الحمام مع الشاش و بتشيك بعد ٨ ساعات 💔💔💔
هي قالت بشيك بعد ٨ ساعات و انا انفجرت ابكي خلاص تعبت نفسياً ولدت الساعه ٩ و الى الساعه ١ و هم يكشفون و تعبوني مرره و انا مرهقه م نمت من امس و جوعانه خلاص احس اني انهرت
بعد نص ساعه جهزوني اطلع لغرفه التنويم
بالعاده اطلع بعربيه هالمرة مطلعيني بسرير لاني منتهيه خلاص
و الحمدلله على كل حال فيني مغص قوي حتى مع نوعين مسكنات م خف
اعتذر اذا فيه طاقه سلبيه بس ذا اللي صار معي و انتبهوا من الالتهابات مررره
الله لا يضيع تعبي و يجعله طهور و تزكيه ان شاء الله ♥️

وربي بكيت اعوذ بالله الله يعظم اجرك اقرء وجاني شعور الالم وتعبك
الحمدالله على سلامتك
ويارب اكتب لنا الولاده الميسره السهله وسخر لنا خلقك وكل من وليته امرنا يارب 😫💔

الحمد لله على سلامتك و الله يكتب لك الأجر و يقومك بالسلامه
الحمد لله دام بنوتتك بخير و ما عليك الجرح يلتئم إن شاء الله حتى لو بدون خياطه بس ياخذ وقت اطول و حاولي مررره ما تتحركين
أجر و عافيه إن شاء الله

فيه طوارئ خاص للولاده وبعدها يدخلونك لمبنى ٤