التباشير الثالث عشر لمواليد يناير وفبراير 2020🤱🏻💐💙💗

كملي التاسع ازين لك علشان اذا ولدتي يكون زان الجو😂

صباح الورد ياحلوات .. الحمدلله ع سلامة كل اللي ولدوا والله يحفظ لهم ماعطاهم ويرزقهم برهم وصلاحهم 🌹 والكروشات الواصلات الله يهون عليكم ويرزقكم هون الطلق وحسن الخَلق ويخارجكم بالسهالات .. اللي ماعاد فيكم صبر وتبون تولدون تذكروا فيه بنات توهم ف اول العتبة وقدامهم المشوار طويل >>> مثلي توني مخلصة اول شهر🥺💔قدامي ٨ شهوووووو😫

الله يسهل لك ويتم لك على خير ويهون عليك

تروح ال٨شهور سبحان الله
انا اتذكر اشهري الاولى كأنها امس
والحمدلله والشكر له

الأكشن انه من الشهر الثامن تجيني طلوق وتروح وفتح الرحم معها ١ ونص وبعدين لما دخلت التاسع اختفت كل الاوجاع والرحم علق على ١ونص وخلاص مابقى لي غير اسبوع ومابقى شي الا جربته من المحرضات:
استحمام بماء حار
يانسون
حلتيت ريحتها تجيب الطاعون😷
تمر
حليب وزعفران
قرفة
مشي
طلوع ونزول الدرج تبهذلت التاسع كله اسوي رياضة واذا صار الجو برد امشي على السير
بعدين تركت كل ذا المحرضات لإنها خراط ماسوت شي
واستمريت في الدعاء والاستغفار والمشي
رحت لدكتورتي الاسبوع الماضي قالت الرحم مفتوح ٢ سم وعنق الرحم لين ممكن ندخلك ولاده نفك كيس المويه راح يجي الطلق
او تنتظري اسبوع
قلت انتظر وأمري لله
وانتظرت ١٠ ايّام
من ٣ ايّام ومع كثر المشي بديت احس راس البيبي تحت مره ماعاد اقدر امشي
رحت موعدي امس ولقت الرحم ٢ونص -٣ وطلعتني ولاده
قلت لها بعد الظهر بااطلع
قالت كيفك بس تتغدي اول وتدخلين غرفة الولاده عشان يصير فيك طاقه
وتغديت وأعطوني حقنة شرجيه وركبوا المغذي
وبعدين زاد الطلق بس محتمل
صار كل دقيقتين بعد ساعتين ونص جت تكشف قلت الرحم ٣ سم زي ماهو
وفكوا كيس الماي وراحت المويه كلها وانا طلقي بااااارد
قالوا لازم طلق صناعي
وبسم الله حطوه الساعه ٥ والساعة ٦ صار طلق حااااار ورى بعض بدون فواصل بغيت اتجنن من الألم شوي الا احس دفع قلت احس في دفع جو كشفوا لقيوه ١٠ سم وبسرعه دخلوني غرفة الولاده وفي ٥ دقايق دفعت ٤-٥ مرات وطلعت النونو بحمدالله وتيسيره ماصدقت اني خلاص افتكيت من الثقل يارب لك الحمد والشكر بسرعه بسرعه وكل مااشتد الالم كنت أتنفس اشم ورده واطفي شمعه وأحاول مااصرخ ابد اخذت بنصائح رولا قطامي ووقت الدفع خذي نفس وادفعي بكل قوتك الين تحسين انك خلاص وارجعي خذي نفس ودفي طويل لاتوقفين عشان لايتعب النونو ويجيه نقص أكسجين لاقدر الله
نصائحي لكم :
تدفوا وخلوا الولاده تجي من حالها لاتحرضون ولاتستعجلون
كمان اللي وزن البيبي صغير تأكل فيتامينات لإن كل ماكان وزن النونو كويس كل ماساعدك بالدف وقت الولاده
اشربوا سوائل كثير وامشوا والدعاء ثم الدعاء
والله ييسر لكم يارب