شاركي في النقاش

سجلي الدخول لإضافة تعليق.

التعليقات

659
  1. @week_plan

    منىالروح
    يالله وانا معاكم ولادتي 25/12 وموخايفه .....الا بموت من الرعب...! رغم انهذي ولادتي السادسة ... ماشالله والله زمان ما كنت اخاف مدري اشبي الحين يمكن عشان امي مي عندي توفت رحمة الله عليها..... عاد النفسية طييييييييين لا وخالتي قبل كم يوم تقول…
    منىالروح
    حياك الله معانا بس اختي تفائلي بالخير ولاتفسرين الحلم:(

    وبالفعل انا اشوف انه الي والده اكثر من مره تتخرع اكثر لأنها فاهمه كل شي وعارفه التفاصيل المرعبه:22:

    رحمة الله على الوالده , اسكنها الله فسيح جناته
  2. @dyrmh

    شخباركم اليوم ياحوامل ...

    انا الحمد لله بخير ولا زلت اناظل بس اوراكي ذابحتني مره خصوصا عند النوم وصايره رجلي اليمين كلها تنمل وتألمني وانا نايمه ، صرت لازم كل شوي اقوم وارفعها تخف شوي وترجع :(
    الله يكون بالعون إن شاء الله

    اليوم رحت امشي في شارع الحوامل والجو ماشاء الله يجنن ويشجع على المشي .. والله يابنات كانت نفسيتي زفت بس مع المشي والجو تغيرت نفسيتي مره وحسيت اني مرتاحه اكثر .. وإن شاء الله بصير امشي كل يوم علشان اشغل نفسي من التفكير والتعب وانصحكم تعملون نفس الشي بالذات الي دخلوا التاسع ..

    الحين انا اكتب لكم وفيه مطر خفيف وصوت رعووود ... الله يديمها نعمه
  3. @a_o_r_a_d

    ديرمه انا مثلك ذابحتني اوراكي لما انام انا كنت اتوقع انها من الفراش بس طلع طبي
    والله انها بهذلتني تخرب نومي يعني ماقوم من الثقل والتعب اقوم من اوراكي ورجولي
    تنمل علي واغير الجهه لين تريح وارد مره ثانيه وهكذا
    الله يهون يارب على الجميع
    انا انطر الاسبوع الجاي ابدا امشي احس نفسيتي زفت ومراح يريحني الا المشي
    الله يعديها على خير هالايام لين امشي
  4. @dyrmh

    اوراد ...

    ربك إن شاء الله يعين وكل شي بأجره .. بس بجد لا تفوتين المشي لأنك بتحسين نفسيتك احسن وغير كذا تشغلين نفسك عن هالتعب ،،
    والله انا على بالي خلاص بأولد هاليومين من التعب الي يجيني بس شكل هذا الي يقولون طلق كاذب والهيئة ان الدعوة مطولة .. الله يصبرنا

    ايه يابنات وش كنت ابغى اقولكم ..
    اخذت اليوم كتاب من المكتب بالانجليزي مررررره روعة تسجلين فيه ذكريات البيبي كلها مثل أول صورة ، أول ما انولد كم وزنه وطولة وكيف كان شكله ، والوقت واليوم الي انولد فيه .. حتى حاطين لك زي الظرف تحطين فيه أول خصلة شعر قصيتيها له .. وأول سن طلع له ، وأول طلعه وأول سفرة والهدايا الي جته أول ما انولد وأول مناسبة حضرها ،،، وشجرة العائلة لأمه وأبوة ،،، وأول كلمة نطقها وأول ضحكه أول مره يمشي .... واشياء كثيرة مره وتجنن وغير كذا الي محليه الرسومات والألوان الي مسوينها في الكتاب ..

    صراحة انصحكم تشترونه وتسجلون فيه كل ذكريات البيبي أحسها حلوه مره لما يكبر تهدينها له وتبينين له وش كثر انتي تعبتي معه واهتميتي فيه :)
    والكتاب فيه اشكال كثير .. وفيه بعضها إلى سن خمس سنوات .. بس انا اخذت الي لحد سنه لأنه احلى شكل :)

تابعي تجارب أخرى من هذا القسم.