التجمع (١٤١)للمقبلات على عمليات أطفال الأنابيب والحقن المجهري

تشابه اسماء ماركزت😅

اي ياليت والله اللي نجحت عمليتها تكتب لنا وش الأعراض اللي حسيتو فيها بعد ما رجعتوا لين التحليل


وربي أصعب شي هالاسبوعين ان شاء الله تعدي على خير

لا طبعااا حلوه ذي لا تراجعي

انا هدفي وامنيتي ولاخر نفس اني اجيب اسره وعيله والطب متطور كل الاطفال متعبين والتربيه صعبه ومعظمنا هنا اعمارنا بالثلاثينات يعني الحمل متعب اكثر والتربيه اصعب لاننا تعودنا سنين لحالنا وبحريتنا الطفل يشقلب كل الحياه
ولكن هذا مو سبب لازم نحاول الامومه مره غاليه بعدين نندم شوفيني مثال قدامك لي كم سنه احاول وكم عمليه اجتهدت بكل طاقتي وارادتي وقوتي المشوار متعب ومؤلم ومهلك نفسيا وماديا احرم نفسي مرات من اشياء ابيها علشان اوفر وزوجي مسكين دفع اللي وراه واللي قدامه الاهم انه نعمل بالاسباب ونحاول وبعدها نضع الامانه بين يدين رب العالمين.
في ناس عندهم فيقولون كذا لانه مو حاسين نسو انه رب العالمين هو المنعم وقادر يعطي هالشي وياخذه.
والله ماعمري نسيت مره وحده هنا في المنتدى كتبت اشدعوه معقوله في ناس تدفع فلوس ودكاتره وحاله علشان حمل اسهل شي. لانه يخططون وربي يكتب لهم فما يحسون.
قريبتي اللي قلت لكم عنها حامل وبنتها الاولى صغيرونه طلعت معها والبنات قبل كم يوم يالله دعت على نفسها لين قالت بس وتقول اضرب على بطني وان شاء الله من الله ينسد كل شي ولا اشوف خلفه. يالله انا جالسه جنبها ومتحمله بنفسي وخايفه
نصيحه من اخت ياازهار خلي املك بالله وفوضي امرك له قومي بالله بنص الليل صلي لو ركعتين بس واسجدي وابكي وتوسليه يعطيك خيرك وصلاحك ويرزقك طريق يهدي قلبك وباذن الله المره الجايه ربي بيكتب لك. عاده اذا تكررت العمليه تزيد فرص النجاح

لا تدققي بالاعراض كل شخص و يختلف في ناس حست باعراض و طلع مافي حمل و ناس ما حست بشي و طلعت حامل و العكس
ما يبين الا بالتحليل هو الفاصل ..
الله يرزقك بالذريه الصالحه يارب و يبشرك باللي تتمنين ياااارب

يابنات الله يسعدكم اللي حملوا هل سويتوا تحفيز بطانه الرحم ( خدش) قبل دوره التنشيط احد يقول مهمه واحد يقول مش مهمه