احتمال لو ربي كتب لي هالوظيفة ولكن الي اعرفة في نفسي عندي رهاب اجتماعي يعني اتحسس واخاف ولا اثق واروح فيها انا من ناحية التوتر وكذا كيف اقدز اتجاوز
الشي الثاني عندي ضعف سمع اخاف اشوف نفسيات وزوجي يقولي احتمال يختبرون نفسيتك تهزي المديرة تخاصم ترفع صَوتها
عليك
وانا صراحة ماعمري اختلطت باحد الا اقرابي وبسبب ضعف السمع معاد اعرف اتكلم واتعامل مع الغير لامن ناحية اختيار كلمات صح انا بالكتابة اقول عن نفسي مبدعة سواء مؤساة سواء عتب ولا فرحة ولا حب ابدع
لكن لسان ماش الي يشوفني يقول مو واثقة من نفسها
الحين او فية مجال اداري وش نوع الاسئلة
انا تخصص ادارة اعمال
وسمعي عرفو وضعة بس اخاف ادخل وع الارتباك ماعرف اسمع واجلس اقول هاة او اضحك يفكرون قلة ادب مني
شاركي في النقاش
سجلي الدخول لإضافة تعليق.
التعليقات
11- ضعف السمع اش سببه.. سبق وتعالجتي منه ولا كيف
ما فكرتي تركبين سماعه تساعد اذنك انها تسمع؟
من ناحيه الرهاب والخوف والتوتر انا اقول اتكلي على ربك واطلبي يساعدك ويعينك على المقابله والزمي الذكر راح يهدي من روعك الكثير
واحضري لها ماتدرين يمكن يكون الاموضوع سهالات وتتيسر لك الوظيفه
بس ضعف السمع ضروري تعالجيه - هل تلبسين سماعة؟ وإذا كنتي ماتلبسين وانتي تحتاجينها ضروري تلبسين حتى لحياتك مو بس للوظيفة، وإذا ماكنتي تحتاجي تلبسي إذا دخلتي المقابلة حاولي تقربي الكرسي منهم بشويش أو خليك هادية ومركزة حتى تسمعين كلامهم عدل، وإذا ماسمعتي شي عدل لا تقولي هاه قولي بلطف [عذراً ماسمعت السؤال أو مافهمته ...}
وإذا كنتي تحتاجي سماعة أحس ضروري تلبسينها لإنه مو كويس إذا حسوا إنك سمعك ممكن يأثر سلباً على عملك
هذا بخصوص السمع أما عن المقابلة
من قبل المقابلة بأسبوع أو خمس أيام ابدأي تدريب، تلقين في النت الأسئلة الشائعة في المقابلات وبرضو أسئلة عن أساسيات تخصصك وعن الجهة اللي انتي مقدمة عليها، لو رحتي للمقابلة وكنتي عارفة الأجوبة وبس باقي عليك تقولينها أفضل من تروحين ويسألوك أسئلة ماتعرفين جوابها ويمكن يزيد توترك وخوفك (اكتبي بتلقرام اسم الجهة الوظيفة اللي مقدمة عليه واحتمال تلقين قروب متجمعين فيه المتقدمات اللي معك تفيدون بعض فيه بخصوص الأسئلة]
اقرأي الأسئلة والأجوبة، واطلعي عليها إذا خلصتي من هذي المرحلة، ابدأي تدريب على المقابلة خلي أحد يسألك هالاسئلة وانتي جاوبي عليها وخليه يقيمك ويقولك الأخطاء وين، أو سجلي صوتك بالجوال وارجعي اسمعيه، شوفي هل في تأتأة هل في تردد في كلمات مانطقتيها عدل في جملة تركيبها غير جيد فيه سؤال ماعرفتي تجاوبي عليه بسرعة وارجعي عيدي وحاولي تتفادي الأخطاء وهكذا لين تتطمني إنك متدربة عدل
مثلاً سؤال تكلمي عن نفسك يجي بكل المقابلات سواء حكومي أو خاص فهالسؤال ماينفع تروحين المقابلة وانتي ماجهزتي جوابه، من قبل ماتروحين وانتي عارفة وش راح تقولين بالنص احفظي الكلام حفظ بس لو رحتي هناك ماتسرديه لهم وكأنك حافظته أو كأنك آلة
واستعيني بالاسنغفار والدعاء إن الله ييسر لك ويجري الكلام على لسانك {رَبِّ اشْرَحْ لِي صَدْرِي* وَيَسِّرْ لِي أَمْرِي* وَاحْلُلْ عُقْدَةً مِّن لِّسَانِي}
خليك هادية وواثقة والله يعينك ويوفقك إن شاء الله - الله ينور علي قلبك مثل مانورتي خاطري وشرحك مفيد جدا السمع جاني ضعف يابعد او ايام خطوبتي لاني لاحظت ممكن تاثر عن طريق جوال البلاك بيري من زوجي يوم كان يكلمني يوميا الله اعلم صراحة يعني كان عندي سمعات بس سبجان الله لازلت مافهم الكلام يعني فية سمع بس ماميز الكلمات واذني اليمني الي متاثر بس لو توترت اذني الثنتين تروح فيها ولانها دايم التهابات فيها
- رفع
- كلام زوجك مره غلط
مافي شي من هالكلام المديرة تزعق وخرابيط
بالعكس هم ماسوو المقابله الا محتاجين لموظفه
ومحتاجين خدماتك
عمر ما احد صرخ في المقابله
لا تنزعجوا ولا تشيلي هم
السؤال عادة يبدا بعرفينا على نفسك
طبعًا تذكرين اسمك وشهادتك وخبراتك ومهاراتك ومساهمتك وبس
شي بسيط
تدريب خلي زوجك يسألك وردي
او تمرني قدام المرايا
وإنشاء الله تبشيرنا قريبا
مواضيع مشابهة
تابعي تجارب أخرى من هذا القسم.