الموس كريم الاساس من ميبيلين؟؟

الصراحه انا ما جربته بس شانيل برضوووو حلو حق كل يوم خفيف

الظاهر بستي بلازا كني لمحت

إذا عندكم محل لايف ستايل أو كارفور بتحصلينه .. وأنا كنت كاتبة موضوع كامل عنه .. وبالفعل راااااائع ومريح في الاستخدام وخاصة للصباح .. يعني حق دوام أو جامعة أو حتى قعدتج مع زوجج لو كنتي معرسه .. ومنه 8 درجات أو أكثر .. الحين نزلوا نفسه من لانكوم وريميل و أفون وغيرها ..

الله يعطيكم العافيه يلي رديتو علي وعندي استفسلر بسيط
Alyasiyyah كيف طريقه استخدامه وشكرا

الله يعافيج حبيبتي .. طريقته جداً سهلة ..
1) أول شيء طبعاً تحطين كريم مرطب على البشرة وتخلينها تتشربه حوالي خمس دقايق ..
2) بعدها حطي ورقة كلينكس على الوجه واضغطي براحة ايدج على البشرة عشان تروح أي كمية زايدة من الكريم ..
3) بعدها بأطراف الأصابع وزعي كريم الأساس على الوجه .. وكمية بسيطة منه تكفي .. لازم تاخذين أقرب درجة للونج .. لا تشترين شيء أفتح من لونج لأنه بيطلع كأنج حاطة قناع ..
4) لا تحطين أي بودرة عليه لأنه ما يحتاج ..
5) كملي مكياجج عادي .. (كونسيلر وبلاشر وغيره)

أتمنى ان الشرح يكون واضح .. وإذا عندج أي استفسار ثاني أنا تحت أمرج .. تقبلي تحياتي .. :26: