هل أمك دعت لك بدعوة، و تشعرين إنها تحققت دعوتها ؟

ايه الحمدلله


اصحى قبل الفجر (الوتر) وامي تصلي ورافعه يدها وتبكي
وايام الاقي ابوي كذا
بصراحة ماكنت اعرف


بس يوم تزوجت بعد طلاقي ومرضي و الله عوضني فيه قالت لي امي ❤️❤️

نعم البر للكل كما قلت
لكن البنت او الولد اللي مابعد تزوجوا لهم فرصة اكبر في البر ويبي لهم صبر
انا ماعرفت هالقيمة الا بعد ماتزوجت ولأني تزوجت صغيرة فأنا اتحسف اني مالحقت على البر أكثر
الحمدلله أحاول ماأقصر لكن اللي يعيش عند والديه مو مثل البعيد
اخوي الصغير عايش مع امي وابي وكل الحمل عليه واخواني الثانين مايقصرون لكن مو مثل اللي معهم
نغبطه وندعي له بالتوفيق والاعانه

موضوع جميل ومبكي في نفس الوقت نحن بنت ولد فقط وأمي تحب اخوي مررة وفي مرة من المرات تعرض لظروف معينه وآخر مرة شفناه فيها عيونه اتملت دموع وعشان ماتشوفه امي رفع راسه فووق💔ومن يومها امي لما تدعي له تقول ياجعل دمعتك ماتنزل لتحت ياولدي ..وآخر مرة من 3 أيام صار له ظرف في العمل واتصل فينا وبلغ امي وقاله ادعي لي وبرضه جلست تدعي له وكنت اسمعها تقول يارب فرح فلان ولدي. .واتصل علينا اليوم يقول لي بشري امي اني تثبت بوظيفتي وماراح افصل وطبعا بشرتها وكانت فرحانه. ..يابختكم بدعوات امهاتكم ماشاءالله. .أما أنا مااحس أن لي نصيب منها للاسف

دايما تدعيلي بعدم التوفيق والسرطان والكسر والهم والغم وكل هذا فيني الحين ماعاد السرطان قريب بيجيني نشاءالله

ابو دعى على ولده وهو صغير عمره خمس سنوات وقال جعلك تحت كفر ، كبر الطفل وصار شاب في العشرين ، وصدمته سياره وصار تحت كفر سياره ،وتوفي. الله يرحمه ،