التجمع ال٤٥ لرابطات عنق الرحم 🎀🤰🏻🧶

شكرا لكل اللي سألو عني
انا مرهقه من الشغل ونفسيتي تعبانه ارجع من الشغل انام وارتاح وصرت احس بثقل وتعب وعظام الحوض مؤلمه بشكل
انا الان بالاسبوع ٣٢ وما اخذت ابرة الرئه مدري ليش مو متحمسه لها اخاف تخفف حركة الجنين واقلق خصوصا انه حملي السابق ضعف نبض الجنين وولدت بسببها مو حابه اكرر التجربه او خايفه
مع ايماني انها مهمه بس اسلي نفسي واقول هانت باقي شوي وادخل ٣٤ وما احتاج الابره يارب
مشكلتي الان دوامي صعب ومتعب وما احد يعطيني اجازه وانا ماني قادره على المشي وعندي تااااريخ ولادات مبكره ومع هذا ماشفع انهم يعطوني اجازه يارب سترك

صباح الخير بنات ❤️
جزاكم الله خير يارب على كل دعوه لامي الله يتقبلها يارب ويشفيها عاجل غير اجل ❤️ ويحفظ لكم ذريتكم ويرزقكم ولاده سهله واجنه متكامله الخلقه
انا الحمدلله بالبيت حطيت لي غرفه تحت ولو ان زوجي يقول الدرج عادي وش بيضرك شوي شوي بس رفضت مره قلت بنام تحت اريح لي وبستقر تحت
كنت اكلم وحده من البنات وكانت تحكي عن الحمل وهي ماتدري عني المهم تقول يختي كل اللي حولي ياخذون اسبرين لازم الوحده بحملها تاكل اسبرين خصوصا اللي متاخره ماجابت وحملت
المشكله ودي اخذه وطالبه من برا اسبرين خفيف ٧٥ اخف من اللي عندنا بس دكتورتي رافضه تقول معك التجمع الدموي حتى لو خف الدم ترا الاسبرين بيزيده
والدكتور اللي رحت له قال انتي الان بنص المشكله بنص الحمل مقدر اقولك كلي او لا تاكلين مفروض قبل الحمل عملتي تحليل وشفتي التخثر بجسمك وبناء عليه نشوف تاخذين او لا
قلت له الحين طيب نسوي التحليل قال لا ماله فايده الان .
توكلت على الله خير حافظ باذن الله مايصير الا كل خير
اللي ربي كاتبه بيصير ب اسبرين ولا بدونه .

بنات معليش بسالكم
مدري هو بكتيريا او فطريات
قبل يومين احس بنغزات تحت بالمهبل او شد مدري مرات اقول يتهيأ لي بس صارت لي كم مره
و بعدها صار ينزل افرازات صفرا الله يكرمكم
وانا امس ماخذه الابره العصر واليوم زادت الافرازات الصفرا مدري هل طبيعي بعد الافرازات او ممكن تكون بكتيريا
كلمت امس دكتورتي قالت مزرعة البول ماتبين اجل وشو اللي يبين ؟ مسحه؟ طيب مزرعة البول وش توضح ؟

الله يشفي امك ويعافيها ولا تقلقي اذا انتي عندك مناعه من جدري الماء (العنقز) احتمال عدوتها لك اضعف
ارتاحي تحت انا بدوامي اطلع درج على مهل مضطره انتي اذا مو مضطره خليك تحت
ووالبول يبين التهاب المسالك البوليه
المسحه المهبليه تبين عدوى المهبل

الف سلامه عليكم حبايبي
زمان احلئ و ميلا
باْذن الله هانت ، الحمد لله الي بلغنا لهذي الفتره
الله يتمم علينا جميعا حملنا بخير و عافية و يقر اعيننا بعيالنا سالمين ♥️