التجمع ال٤٥ لرابطات عنق الرحم 🎀🤰🏻🧶

الحمد لله على تمام الاختبار وعقبال تمام الحمل يا رب❤️❤️❤️

سويت ربط بالاسبوع ال١٩ مو بعيد عنك والحمدلله كمل حملي ومافكو الربط الا بعد العمليه
كنت ملتزمه الراحه التامه بس اروح الحمام واجي والصلاه جالسه بدون ركوع ولا سجود
الربط المتأخر محتاج راحه اكثر من الربط اللي انعمل بدري
بعد الربط المتأخر كان ينزل علي دم لمده اسبوعين بالبدايه كنت والله كني نفاس كثييير وبعدين صار تنقيط
بالربط اللي سويته بدري الدم يوم واحد بس
خذي مثبتاتك والتزمي الراحه وتابعي اي التهاب يجيك
وقلبك دليلك احنا هنا او اي نصيحه تاخذينها من شاشه جوالك هي مجرد استئناس لا تعتمدين عليها
شوفي العضوه "الهي من لي غيرك" اشتكت من ثقل وشد وقالولها البنات طبيعي وعادي بس بعدها بيوم ولدت
روحي الطواريء اذا حسيتي اي طاري ونصيحه لا تتوتري اعرف صعب بس انا توترت كثير اول حملي ومنتصفه وحسيت التوتر ما راح يقدم ولا يأخر
نسبة نجاح الربط مرتفعه جدا

الله يجعله شفيع لك ويعوضك خير

الف مبروك النجاح وعقبال نبارك لك بالسلامه
اليوم ولدت قريبتي وشفتها منزله ستوري وسناب وتحمست😂

الف مبروك يعمري الله يقومك بسلامه انا جالسه لي اسبوعين نرتب غرفه استقبال الولاده جددت الدهان حقها وحطيت لمسات خفيفه بالجدار باقي شي خفيف وافرشها واطلع كنبها
تجهيزات البيبي لسا والله اشتريت لبستين بس باقي لي اشتري ترامس قهوه وشاي وحاجات للطاوله يعني باقي لي بس الهم الكبير الحين اخلص من الغرفه لان العمال صراحه غثوني رايحين جاين