بالاسبوع17 ولا اشعر بحركة الجنين نصيحتكم يا امهات

اهلين خواتي ارجوووووووووووووكم اريد نصيحتكم ورايكم

انا الآن بالاسبوع 17 ولكني لا اشعر بحركة الجنين الا نادرا وتكون لثواني معدوده

اول ما دخلت الرابع كنت الحركة اكثر ؟؟؟

انا متخوفه موعدى الاسبوع الياي ياريت لو تعطوني كريقه تخلي الياهل يتحرك

خبروني عن تحجاربكم بشنو كنتو تحسون بالاسبوع17 كان في حركة كثيره لو خفيفه كلمح البصر

وبعدين انا اهاف انام على الجوانب احس اني بضغط على راسه او رجوله مالي غير النوم عالظهر

وتعبت من هالطريقه ... ظهري يعورني

متى يبدأ الحنين بالحركة كثيرا .... وهل ما امر به طبيعي علما هذا اول حمل لي فاعذروني

7 تعليق 14,610 مشاهدة

شاركي في النقاش

سجلي الدخول لإضافة تعليق.

التعليقات

7
  1. @tthkar_15

    انتبهي حبيبتي ترى نومة الجوانب هي أفضل شي للحامل

    يعني نومة الظهر مهيب زينه للحامل

    وبالنسبة لي مريت بنفس حالتك مع العلم إني والدة قبل كذا أربع مرات

    بس هالمره أحس ان حركة الجنين خفيفه ولحظات بس يعني مايطول وهو يتحرك

    أنا الآن داخله الأسبوع ال 19 ولسا نفس الشعور وحتى لما يتحرك أكون مسترخيه

    ومع ذلك دكتورتي قالت لي انه عادي بعض الأطفال يكونون كسالى ومايحبون الحركه كثير

    ومالها دخل بصحة الطفل خصوصاً في هذي الأسابيع بالذات

    لكن من بعد الشهر السادس لازم تحسين بحركة قوية للبيبي
  2. حبيبتي اتوقع انه هالشي عادي جدا

    طبيعي الطفل اول مايبدا يتحرك تكون حركاتة قليلة ..وبعدين بالوقت تكثر
    المهم انه انتى تحسي فيه بس قليل ..وهالشي مطمئن ان شاء الله

    ..ومدام انك عندك موعد الاسبوع الجاي فهالشي جيد ..
    ممكن تسألين الطبيبة ..وان شاء الله كل شي تمام

    بالنسبة لنومتك ..فمافيها شي تنامين عالجوانب ..بالحقيقة نومة الجوانب هي اريح لك من الظهر ..
    لانك من لما تنامين عالجانب ..بكذا انتي تخلين ثقل بطنك عالفرشة (الفراش) ..وهالشي يريحك شوي ..اما نومة الظهر فيصير ثقل بطنك كله عليك وممكن يسببلك ضيق بالتنفس مع مرور الوقت وكبر حجم البيبي

    ولا تخافين من الاشياء اللي ذكرتيها ..الطفل بداخل كيس ورب العالمين هو اللي بيحميه من اي شي ..
    واكثر الحوامل ينامون عالجنب ..والحمد لله مايأثر عالجنين..وانا منهم من زمان وانا مو نايمة على ظهري ..يمكن من شهرين او اكثر واشتقت صراحة لنومة الظهر

    باين انه هذا اول حمل لك وخايفة كثير ..

    الله يتمم عليك بكل خير
  3. @lbtonh

    اختي انا نفسج هذا اول حمل لي بنهايه رابع قبل لاادخل خامس كانت حركه بيبي قويه ودخلت خامس قلت حركه يادوب خفيفه وصادني وسواس واللحين انا بسادس واحس بحركه بس خفيفه مش مثل قبل قوويه

    هو عادي على حسب البيبي يمكن يكون اكثر شي ناايم

    وعلى نومه لا ناامي على جوانب هالطريقه اريح لج وللبيبي لكن اذا رقدتي على جنب ورفس روحي جنب ثاني او رقدي على ظهرج شوي وبعدين رووحي على جنب

    لاتخاافين اختي انتي موكثري انا وساويس اذبححححتني

    بعدين طلع كله عاادي

تابعي تجارب أخرى من هذا القسم.