السلام عليكم ورحمة الله وبركاته
الحلى سويته لآمي كانت عازمة ثلاث حرمات
كان نفسي بأحسن بس مرررة تعبت وما كملت 
بس الحمدلله طلع حلو ماصورت خطواته لاني مستعجله ومتعاجزة
أما الكوب كيك سويته و آخذته لبيت خالتي
بأبدأ بالكوب كيك
تسوين كوب كيك أو جاهز أنا بصراحة سويته بكوب كيك لوزين بس طلع حلو كأنه مو لوزين
حتى بنات خالتي يحسبوني مسويه الكيك بس قلت انه لوزين
تغطسينه بشوكولاته ( شريحة زبدة + ثلث كوب حليب سائل + 2 كاس سكر بودرة + ربع كاس بوردة شوكولاتة ) توضع بحمام مائي ع النار الين تتجانس
بعدبن بجوز الهند << اذا تبغين تحمصينه حسب ذوقك
بعد ذلك تفتحين فتحته من فوق
بعدين تحشينه بـ كالتالي :
بلوبيري أو شوكليت نوتيلا أو جيلي وطريقته كذا
10حبات فراوله مجمدة +1 جيلي فراوله 1م ك سكر +نصف كوب ماء
في الخلاط وبعدين ع النار حتى تغلي ونشيلها ونتركها تبرد وتثقل شوي
وبتطلع زي المربى
الطبقة البيضاء
دريم ويب مع قشطة أو كريمة مخفوقة حسب رغبتك
يتبع
حلى أمي
3 أصناف
الصنف الأول حلى الفناجيل << كذا اسمه
بسكوت شاي مطحون + زبدة + قشطة شوي بس << تعجن
تجيبين الفناجيل البلاستك الصغار
وتحطين عجينه البسكوت فيها طبقة أولى
الطبقة الثانية اللي هي حشوة داخل البسكوت
نصف علبه قشطة + نصف علبه نستله + 6 حبات جبن كيري وتخلطينها وتصبينها داخل الكاسات
و تسكرينها بالاوريو طبقة وحدة بس
بعد ما تجمد تطلعينها << تطلع بسهوله من الكاس
الصنف الثاني
2 اصبع زبدة لين + ثلاث ارباع الكاس سكر ناعم + بيضة و فانيليا+ كاسين وربع دقيق = تعجن جيدا
وتشكلينها بالقوالب الصغار وتحمرينه بالفرن
تحشينها بنستله + جبن كيري وتزينينه بالفستق
الصنف الثالث والأخير << ولله الحمد
حلى اخذته من النت مرة حلو وسهل
بالفناجيل الصغيرة البلاستيك بس انا سيوته بفناجيل ماعليها ختمهم
الطبقة الاولى جالكسي تسيحونه بحمام مائي أو مكرويف
الطبقة الثانية تحمسين شعيرية ع النار مع زبدة واذا تغير لونها شوي تحطين نستله الين تصير عجينه
وتحطينها طبقة ثانية
الطبقة الاخيرة أوريوم مطحون مع حليب الين يصير عجينه
وسلامتكم << تعبت و أنا أحتسي